Ataýly shara barysynda Departament basshysy Janarbek Baqtybaev jeke quramdy merekemen quttyqtap, Ishki ister mınıstri E.Turǵymbaevtyń buıryǵymen qyzmettik mindetterin adal atqarǵan jáne qyzmet atqarý barysynda joǵary nátıjelerge qol jetkizgen 13 polısııa qyzmetkerlerine tósbelgiler, medaldar, Qurmet gramotalary men alǵys hattar sııaqty marapattardy saltanatty túrde tabystap, vedomstvo basshylyǵynyń atynan qarjylaı syıaqylar berdi.
"Elimizdiń el bolý shejiresi san túrli belesterden turady. Sol belesterdiń eń alǵashqysy ol elimizdiń Tuńǵysh Prezıdentiniń saılanýy bolatyn. Táýelsiz Qazaqstandy syndarly joldardan, san túrli belesterden qulatpaı, súrindirmeı alyp shyǵý úshin de úlken qajyr qaırat pen ultyna, qazaǵyna degen súıispenshilik kerek edi. Elbasynyń biliktiligi men kóregindiginiń jáne onyń syndarly saıasatynyń arqasynda biz búgingi kúnge jettik. Ol elge táýelsizdik syılaǵan tulǵa retinde de úlken qurmetke ıe. Bul kún biz úshin aıtýly mereke", dep atap ótti general-maıor J.Baqtybaev.
