Olımpıadalyq sport túrleri bir dıreksııaǵa birikti

Sport • 02 Jeltoqsan, 2020

Olımpıadalyq sport túrleri bir dıreksııaǵa birikti

96 ret kórsetildi

Bas qalamyzdyń sportynda biraz jańashyldyq bar. Birer aı buryn bunda qarjylandyrý baǵyty ózgertilip, sportshylar jalaqysy artqan edi. Endi osy jumystardy júıeleý úshin olımpıdalyq jáne olımpıdalyq emes sport túrleri boıynsha qos dıreksııa quryldy.

Álı BITО́RE

Qurylǵanda bul mekemeler buǵan deıin de bolǵan. Biraq sport mektebi retinde qyzmet etti. Endi dıreksııa. Atymen qatar, zaty da basqasha formatqa, ıaǵnı, sál jetildirilgen úlgige aýystyryldy. Bastamanyń basy-qasynda júrgen Samat Erǵalıev, bunyń barlyǵy salaǵa tyń serpin ákelý úshin jáne sporttaǵy jetistikterdi eseleý úshin qolǵa alynyp jatqanyn alǵa tartady.

Maqsatymyz – jattyqtyrýshylarǵa jáne sportshylarǵa barynsha qoldaý jasaý. Eń aldymen solarǵa qolaıly bolý kerek. Mysaly, «Tolaǵaı» sport mektebiniń qyzmet aıasy buryn shekteýli edi. Endi Sportty olımpıadalyq túrleri boıynsha damytý dıreksııasyna aınaldy. Sáıkesinshe, jasóspirilmderden eresekterge deıingi qaladaǵy barlyq sportshylarǵa jaýapty. Jarys bolsyn, jattyǵý jıyny bolsyn, óz taraptarynan jibere beredi jáne týyndaǵan máselelerge qatysty da ózderi sheshim qabylaıdy – dedi, qalalyq Dene shynyqtyrý jáne sport basqarmasy basshysynyń mindetin atqarýshy Samat Erǵalıev.

Jańadan qurylǵan dıreksııalardyń jumys aýqymy men múmkindikteri keńeıtildi. Máselen, olımpıdalyq sportqa jaýapty mekemege 60-qa jýyq sport túri men 2 myńǵa jýyq sportshy berildi. Onyń ishinde olımpıadalyq jáne paralımpıadalyq baǵyttar bar. Jalaqy alatyn sportshylar sany da eselep artty. Bunyń barlyǵy saladaǵy tynys-tirshilikti jandandyryp, jergilikti qyz-jigitterge jaǵdaı jasaýǵa negizdelgen. О́ıtkeni, onyń artynda qalanyń, qala berdi, eldiń ımmıdji bar. Túpki maqsat - aty aıtyp turǵandaı dál osy sportshylardan álem jáne olımpıada chempıondaryn shyǵarý. Soǵan muryndyq bolý.

Biz sportshylardan joǵary jetistikter kútemiz. Ol úshin soǵan laıyqty jaǵdaı jasaýmyz kerek. Sportshylar da, bapkerler de artynda myqty qoldaý baryn sezinse deımiz. Eshteńege alańdamaı, daıyndyqqa ǵana den qoısa degen maqsat. Máselen, qarasha aıynan bastap sportshylar joǵyry jalaqy alyp júr. Bul - úlken motıvasııa. Buǵan qosa, turaqty aılyq alatyn sportshylarymyz buryn 86 edi, qazir – 176. Iаǵnı, kórsetkish shamamen 2 ese ósti – deıdi, Sportty olımpıadalyq túrleri boıynsha damytý dıreksııasynyń basshysy Baǵdat Danııarov.

Qazir dıreksııalardyń qurylýyna qatysty jumystar, onyń ishinde, qujaty bar, basqasy bar, tolyq aıaqtaldy. Endi sala mamandary bilek sybana iske kirisedi. Aıta ketý kerek, elordadaǵy basqarma bundaı jańashyldyqty alǵash bolyp qolǵa aldy. О́ńirler arasynda alǵash bolyp qolǵa aldy. Eger jaqyn bolashaqta óz nátıjesin berip jatsa, árıne, basqa aımaqtarǵa da úlgi bolary anyq jáne solaı bolýyna tilektespiz. Aınalyp kelgende, bul eldegi kásipqoı, áýesqoı jáne buqaralyq sportty damytyp, ult saýlyǵyn qalyptastyrýǵa áser etedi. Ásirese, sońǵysy qazir mańyzdylyǵy jaǵynan bárinen joǵary.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz