28 jastaǵy Nursulý Mýsınanyń alǵashqy júktiligi 9 aı boıy qalypty ótken. Sábıin 21 mamyrda qaladaǵy Perınatologııa jáne balalar kardıohırýrgııa ortalyǵynda týǵan. Biraq jańa týǵan balasynyń densaýlyǵynda kinárát baryn sol kezde-aq sezipti.
"Balanyń dem alǵany da bir túrli boldy. Demikpe. Men onyń durys emes ekenin baıqadym. Sol kezde perzenthanada dárigerden suradym. Nege meniń balam bulaı demalady, qarańyzshy durys emes sııaqty" dep degenmen ol "joq jańa týǵan balanyń bári osylaı demalady dep jaýap berdi", deıdi Nursulý Mýsına.
Dárigerler náreste men jas anany bes kúnnen keıin úıine shyǵarǵan. Biraq bala kún ótken saıyn salmaq qosý ornyna kerisinshe álsireı beripti. Jeke klınıkanyń birine teksertkende, "týa bitken júrek aýrýymen týǵan" degen dıagnoz qoıǵan. Sóıtip sábı otaǵa deıin kóz jumǵan.
"Birinshi qyrkúıekke qaraǵan túni balamnyń júregi toqtady. Men soǵan tańǵalamyn, qazir neshe túrli qural, ýzı bar. Qalaı ony kóre almady?", deıdi Nursulý Mýsına.
Basqarma basshylary telearna saýalyna jazbasha qysqa jaýap joldaǵan. Qujatta sábıdiń júregindegi týa bitken aqaýdy ýaqytynda kórý múmkin bolmaǵany aıtylǵan. Al sebebin túsindirmegen.
