Ranking.kz dereginshe 500 myńnan astam qarajattyń jartysynan kóbi tamaq ónimderine jumsalǵan. Naqtylap aıtar bolsaq, 301,1 myń teńgeni azamattar azyq-túlik alýǵa jaratqan. Bul degenińiz joǵaryda kórsetilgen somanyń 53,2 paıyzy.
Sarapshylardyń aıtýynsha, shyǵyndardyń basym bóliginiń azyq-túlikke jumsalýy oń kórsetkish emes. О́ıtkeni AQSh, Sıngapýr, Ulybrıtanııa, Irlandııa, Kanada, Shveısarııa, Avstrııa sııaqty elderde azyq-túlik korzınasy shyǵyndardyń 10 paıyzyna da jetpeıtin oryn alady. Damyǵan ári baı elderde tamaqqa jumsalǵan shyǵyn mólsheri múlde az bolady. Ázirge Qazaqstan atalǵan tizimge ene almaı kele jatyr. Jaqyn arada basa-kóktep ene qoıar syńaıy da baıqalmaıdy.
О́ńirlik kórsetkishter boıynsha, tamaqqa eń az aqsha jumsaıtyn aımaq – Nur-Sultan qalasy eken. Elorda turǵyndary búkil shyǵynnyń 44,3 paıyzyn ǵana azyq-túlikke bólgen. Sonymen qatar Soltústik Qazaqstan jáne Qostanaı oblystarynda da kórsetkish jaman emes: 45,3 jáne 45,5 paıyz. Jalpy alyp qaraǵanda 17 aımaqtyń beseýi ǵana shyǵyndardyń jalpy somasynyń jartysynan azyn tamaqqa jumsaǵan.
Al azyq-túlikke eń kóp aqsha jumsaıtyn aımaqtar – Túrkistan (65,6), Mańǵystaý (62,5) jáne Atyraý (61,5) oblystary.
