Prezıdent • 04 Jeltoqsan, 2020

Prezıdent Memlekettik qyzmet isteri agenttiginiń tóraǵasyn qabyldady

31 ret kórsetildi

Memleket basshysyna Agenttiktiń bıylǵy atqarǵan qyzmetiniń negizgi qorytyndylary jáne Prezıdent tapsyrmalarynyń oryndalýy týraly esep berildi. Bul týraly Aqordanyń baspasóz qyzmeti habarlady.

Qasym-Jomart Toqaevqa 2021 jyldyń basynda ótetin Prezıdenttik kadr rezerviniń ekinshi irikteýine daıyndyq jumystary týraly aqparat berildi. Irikteýden 50 adam ótedi. Anar Jaıylǵanova úmitkerlerge qoıylatyn krıterııler men biliktilik talaptarynyń kúsheıtilgeni týraly aıtty. Rezervti jasaqtaý kezinde qoǵamdyq múddelerdi negizge alatyn tulǵalarǵa basymdyq berilip, ózgerister jóninde naqty tájirıbesi bar zamanaýı basshylardy anyqtaýǵa mán beriledi.

Memleket basshysy eń úzdik úmitkerlerdi tańdaý úshin irikteý jumystaryn sapaly ári ashyq ótkizýdiń mańyzdy ekenin atap ótti.

Sonymen qatar Agenttik tóraǵasy memlekettik qyzmetke irikteý júıesin jetildirý isine de toqtaldy. Onyń aıtýynsha, osy baǵyt aıasynda basshylyq jáne atqarýshylyq qyzmetterge qoıylatyn quzyretterdi anyqtaý úshin testileý emes, suhbat ótkizý usynylyp otyr. Bul irikteýdiń sapasyn arttyrýǵa múmkindik beredi.

Prezıdentke memlekettik apparatty qysqartý, memlekettik saıası qyzmetti kásibılendirý, memlekettik basqarý úderisin sıfrlandyrý jónindegi jumystar týraly da baıandaldy.

Qasym-Jomart Toqaev Anar Jaıylǵanovaǵa Agenttik jumysynyń negizgi baǵyttary boıynsha tapsyrmalar berdi.

Sońǵy jańalyqtar

Tarazda jasyryn oıyn orny anyqtaldy

Aımaqtar • Búgin, 16:26

Aqtaýda býynsyz bala turady

Vıdeo • Búgin, 16:04

Uqsas jańalyqtar