«Búgingi kezdesýge energetıka, ulttyq ekonomıka, ındýstrııa jáne ınfraqurylymdyq damý, ishki ister mınıstrlikteri men ákimdik ókilderi qatysyp otyr. Sebebi Úkimet deńgeıinde qabyldanǵan Jol kartasyn birlese júzege asyramyz. Onyń oryndalýy boıynsha turaqty túrde halyqqa baıandap otyrý mańyzdy. Osy kezdesýdiń maqsaty da sol»,- dedi jıyn barysynda Zulfuhar Joldasov.
Aıta keteıik, jurtshylyqpen, ákimdiktermen jáne tabıǵat paıdalanýshylarmen birlesken jumys nátıjesinde qabyldanǵan Almatynyń ekologııasyn jaqsartý Jol kartasynda jıyrma is-shara qarastyrylǵan. Olardyń ishinde: JEO-2 jáne JEO-3 gazǵa aýystyrý, qalaǵa irgeles jatqan jeke sektor aýdandaryn gazdandyrý, kommýnaldyq qyzmetter men qoǵamdyq kóliktiń avtokóligin syǵylǵan tabıǵı gazǵa aýystyrý, dızel otynymen qoǵamdyq kólikke kezeń-kezeńimen tyıym salý, kógaldandyrý jáne t.b. bar.
«Almatynyń aınalasyndaǵy úı-jaılardyń 50%-y kómir jaǵady. Sondyqtan Almaty oblysy men qala ákimshiligi jáne Energetıka mınıstrligi osy aýmaqtardy gazdandyrýmen aınalysady. Jeke sektor men JES áserinen 2019 jylǵy esep boıynsha Almaty qalasyndaǵy atmosferaǵa shyqqan shyǵaryndylar 144 myń tonnany qurady. Biz osy kórtetkishti 4 jyl ishinde 79 myń tonnaǵa azaıtýdy josparlap otyrmyz. Iаǵnı Almaty joǵary lastaný ındeksinen ortasha deńgeıge túsedi»,- dedi Zulfuhar Joldasov.
Qazir Energetıka mınıstrligimen birge «Samuryq-Energo» kompanııasy 2-shi Jylý elektr stansııasyn gazǵa kóshirý jobasyn qýat naryǵy arqyly arqyly qarjylandyrý máselesin qarastyryp jatyr. Jol kartasynyń bul baǵyty boıynsha «Samuryq-Energo»-nyń óndiris jáne aktıvterdi basqarý boıynsha basqarýshy dırektory Serik Túıtebaev baıandady.
«Qurylys kestesi tikeleı qarjylandyrýǵa baılanysty. Sonymen birge syrtqy gazdandyrý boıynsha tarıftiń halyq úshin asa joǵary bolmaýy máselesi bar. Biz baǵa qatty óspes úshin qarjylandyrý týraly respýblıkalyq bıýdjetpen qatar qalalyq bıýdjetke suranys jasadyq. Almatynyń 2-shi JES-in tabıǵı gazǵa kóshirý onyń shyǵaryndylaryn 83%-ǵa, ıaǵnı 37 myń tonnadan 6 myń tonnaǵa azaıtady»,- dedi ol.
