О́z sózinde Departamenttiń memlekettik qyzmet basqarmasynyń basshysy Raıhan Brataeva «B» korpýsynyń bos nemese ýaqytsha bos memlekettik ákimshilik laýazymdaryna konkýrs ótkizbeı-aq, aýysý tártibimen ornalasýdyń negizgi erejelerin atap ótti. Onyń aıtýynsha, memlekettik qyzmetshiniń bir laýazymdaǵy ótili kem degende eki jyl nemese odan artyq merzimdi qurasa, sol memlekettik organnyń ishinde teń dárejeli laýazymǵa, ne bolmasa odan bir deńgeı joǵary turǵan laýazymǵa aýysý tártibimen ornalasa alady.
Bul rette, memlekettik qyzmetshiniń qyzmettik ádep normalaryn buzǵany nemese memlekettik qyzmettiń bedeline nuqsan keltiretin tártiptik teris qylyq jasaǵany úshin sheshilmegen tártiptik jazasy bolǵan jaǵdaıda, onyń joǵaryda kórsetilgen laýazymdarǵa aýysý tártibimen ornalasýyna jol berilmeıdi.
Sondaı-aq, memlekettik qyzmetshilerge rotasııa júrgizý merzimi men qaǵıdalaryna, rotasııaǵa jiberiletin memlekettik qyzmetshilerdiń sanattary men laýazymdaryna, «A» jáne «B» korpýstarynyń memlekettik saıası jáne ákimshilik qyzmetshilerine rotasııa júrgizý tártibine, rotasııa merzimin uzartý jáne ony qabyldaýdan bas tartý jaǵdaılaryna qatysty túsiniktemeler berildi.
