Aımaqtyq mektepte 30 erikti dáris alatyn bolady. Oqytý kelesi baǵyttar boıynsha júrgiziledi:
- medısınalyq uıymdarǵa eriktilik kómek kórsetý;
- halyqtyń medısınalyq saýattylyǵyn arttyrý;
- alǵashqy kómek kórsetýge úıretý;
- halyq arasynda donorlyqty nasıhattaý;
- halyqtyń densaýlyǵyn nyǵaıtý jáne COVID-19 profılaktıkasyn júrgizý.
Mektepte bilim alýshylar alǵashqy kómekti ýaqytyly kórsetýdi, tótenshe jaǵdaılar kezinde jedel kómek kórsetýdi jáne jaǵdaıdy durys baǵalap, kómek josparyn saýatty qurýdy úırenedi.
"2020 jyly bastalǵan pandemııa medısına men densaýlyq saqtaý bizdiń eldiń árbir azamaty úshin eń mańyzdy salalar ekenin kórsetti. О́kinishke qaraı, bizdiń óńirlerde medısınalyq mamandar jetispeıdi. Al medısınalyq eriktilikti damytý jáne sertıfıkattalǵan medısınalyq eriktilerdi daıarlaý aımaqtyq densaýlyq saqtaý salasyna kómektesedi. Iаǵnı, medısınalyq eriktiler - dárigerler men medbıkelerdiń kómekshileri retinde naýqastarǵa kómek kórsetip, turǵyndar arasynda profılaktıkalyq jumystardy júrgize alady." - "Qazaqstannyń medısınalyq jastary" respýblıkalyq qoǵamdyq birlestiginiń tóraǵasy Abylaıhan Ábdirásh.
Jaqyn arada Túrkistan qalasynda eriktilerdi oqytatyn taǵy bir mektep ashylady dep josparlanýda.
"Medısınalyq eriktiler mektebi" áleýmettik jobasy densaýlyq saqtaý salasyndaǵy eriktiler sanyn kóbeıtý maqsatynda quryldy. Respýblıkalyq "Medısına jastary" qoǵamdyq birlestigi ókilderiniń aıtýynsha, eriktilik mamandyq emes, hobbı bolyp esepteledi. Medısınalyq ýnıversıtetter men kolledjder stýdentteriniń bos ýaqyttary az, biraq soǵan qaramastan olar eriktilikke qyzyǵýshylyq tanytyp jatyr.
Mektepte bilim alǵan medısınalyq eriktiler halyqaralyq medısınalyq eriktilik tájirıbege súıene otyryp, joǵary deńgeıdegi bilim alatyn bolady, sonymen qosa, medısına salasynyń úzdik mamandary ótkizetin trenıngter men sheberlik synyptarǵa qatysatyn bolady.
Pandemııanyń bastalýymen medısınalyq eriktiler qajettiligi sezile bastaǵanyn atap ótken jón. Koronavırýstyq ınfeksııasymen kúreste aldyńǵy qatarda turǵan emdeý-profılaktıkalyq mekemeler medısınalyq eriktilerdi oqytý men nusqaýlyq berýge ýaqyttaryn jáne basqa da resýrstaryn jumsady. Osyǵan baılanysty qazirgi ýaqytta medısınalyq eriktilerdi aldyn-ala daıyndaýdyń qajettiligi týyndaıdy. "Qazaqstannyń medısınalyq jastary" respýblıkalyq qoǵamdyq birlestigi aldaryna qoıǵan maqsattary dál osy.
