Prezıdent • 08 Jeltoqsan, 2020

Qoıshynyń balasy Q.Toqaevqa Ashyq hat jazdy

2662 ret kórsetildi

"Shopan ata" ulttyq qoı ósirýshiler qaýymdastyǵynyń tóraǵasy Almasbek Sadyrbaev Qazaqstan Respýblıkasynyń Prezıdenti Qasym-Jomart Kemelulyna Ashyq hat joldady, dep habarlaıdy Egemen.kz

"Prezıdentke buıymtaı" dep bastalatyn hatta Almasbek Jumabekuly elimizidń kúntizbe tizimine jalpy malshylar qaýymyna ortaq "Shopan ata" kúnin belgileýdi suraǵan.

"Elimizde ár jyl saıyn Qutqarýshylar kúni, Qarjygerler kúni, Arheologtar kúni sekildi ataýly kúnder umyt qalmaıdy. Tipti álem halyqtarymen birge Mysyqtar kúnin, Shashtarazdar kúnin de atap ótetinder bar. Men eldi-mekenderdi, shalǵaıdaǵy aýyldardy kóp aralaımyn. Qamshy ustaǵan elmen jıi jolyǵamyn. Malshylar qaýymy tórt túliktiń artynda júrse de eldegi mańyzdy jańalyqtardy qalt jibermeıdi. Olardyń da belgili bir máselege ózindik pikiri, azamattyq ustanymdary bar. Al Malshylar kúniniń mańyzyn osy aǵaıyndar kádimgideı túsinip, surap otyr. О́tken aptada bul usynysymyzdy Qazaqstan halqynyń talqysyna saldyq. Ol úshin áleýmettik jelilerde arnaıy suraq-jaýap jazbalaryn usyndyq. Eldiń yqylasy erekshe ekenin kórip otyrmyz. Bul rette "Shopan ata" qoı ósirýshiler qaýymdastyǵynyń atynan Qazaqstan Respýblıkasynyń merekelik kúnderiniń tizbesine malshylar qaýymynyń atynan Shopan ata kúnin engizý týraly sheshim qabyldaýyńyzdy suraımyz", deıdi A.Jumabekuly.

Ashyq hattyń mazmunynda Almasbek Sadyrbaev bul kúnniń mańyzdylyǵy men qajettigin aıtyp: "Bul meıram jalpyhalyqtyq sıpat alýy úshin kúnniń jylyǵan shaǵyna, naqtysyn aıtsaq, maýsym aıynyń ekinshi jeksenbisine belgilengeni durys dep sanaımyz. Atalǵan meıram asta-tók ysyrapty kózdemeıdi. Qazaqtyń "...Úshinshi baılyq on saýlyq" degen ataly sózin negizge ala otyryp, meıram ataýyn resmı "Shopan ata" dep atalýyn qup kóremiz. Biraq meıram barsha malshylar qaýymyna ortaq bolmaq", dep bul kúndi qalaı jáne qashan atap ótýge bolatynyn da kórsetken.

"Shopan ata" qaýymdastyǵynyń tóraǵasy óz ashyq hatyn: "Bul rette "Halyq únine qulaq asatyn memleket" tujyrymdamasyn alǵa tarta otyryp, el ekonomıkasynyń damýyna úles qosyp kele jatqan shopandar qaýymynyń buıymtaıy jaýapsyz, eskerýsiz qalmaıdy dep senemiz", dep aıaqtaǵan.

Aıta keteıik, elimizde qarasha aıynyń ishinde jalpy "Aýylsharýashylyq qyzmetkerleri kúni" atap ótilgenimen, malshy qaýymǵa arnalǵan kúntizbelik mereke joq.

Sońǵy jańalyqtar

Demalys kúnderi aýa raıy qandaı bolady

Aýa raıy • Búgin, 13:38

Reseıde oq-dári qoımasy órtendi

Oqıǵa • Búgin, 11:50

Búgingi valıýta baǵamy

Qarjy • Búgin, 10:17

Elimizde 9,5 mln adam ekpe saldyrdy

Koronavırýs • Búgin, 09:49

COVID-19: Elimizde 1338 adam emdelip shyqty

Koronavırýs • Búgin, 09:08

Qaıta kesilgen tusaý

Aımaqtar • Búgin, 08:58

Boz kilemde – burymdylar

Sport • Búgin, 08:55

«Barys» jeńiske jetti

Sport • Búgin, 08:54

Elenanyń ekpini kúshti

Sport • Búgin, 08:53

Uqsas jańalyqtar