2020 jyldyń 11 aıynyń qorytyndysynda óńdeý ónerkásibinde oń úrdis saqtaldy. Salanyń barlyq sektorlarynda ósim bar. Mashına jasaý salasynda 116,4% deńgeıinde turaqty ósim saqtaldy. Avtokólik quraldary, treılerler jáne jartylaı tirkemeler, ózge kólik quraldaryn, elektr jabdyqtaryn jasaý, mashınalar men jabdyqtar óndirisi ósti. Tústi metallýrgııada da oń dınamıka baıqalady. О́sim - 102,2%.
«Tazartylǵan altyn, quıma altyn óndirý, túıirshikterdegi kúmis, Dore qorytpasy, bastapqy alıýmınıı jáne basqa da kórsetkishterdiń ósýine qol jetkizildi. Qara metallýrgııada ósim 100,4% boldy. Armatýra prokaty, ferro-sılıko-marganes, armatýralar, sharlar jáne domalaq shybyqtardyń taýar óndirisi ósti. Farmasevtıka ónerkásibi ishki naryqtyń eń qajetti ónimderge suranysyn tolyq ótep, óndiris kólemin 139,5% jetkizdi», — dedi B. Atamqulov.
Jeńil ónerkásipte óndiris 15,5% ósti. Ol toqyma buıymdary óndirisiniń, kıimniń jáne bylǵary ónimderdiń ulǵaıýyna baılanysty boldy. Qaǵaz jáne qaǵaz ónimderi óndiris kóleminiń ósimi 14,6% qurady. Aǵash jáne tyǵyn buıymdary óndirisi kóleminiń ósimi 47,3% qurady.
«Kólik salasynda naqty kólem ındeksi 2020 jyldyń qańtar-qarasha aılarynda 82,9% qurady. Dástúrli segmentterdegi tasymaldardyń tómendeýine qaramastan, konteınerlik júkterdi tranzıttik tasymaldaýda oń nátıjege qol jetkizdik. О́tken jyldyń osy kezeńimen salystyrǵanda 799,7 myń jıyrma fýnttyq balama tasymaldandy. О́sim 136% qurady», — dedi ındýstrııa jáne ınfraqurylymdyq damý mınıstri.
Kóliktiń barlyq túrimen júk tasymaldaý kólemi 3,6 mlrd tonnany nemese byltyrmen salystyrǵanda 93,2% qurady. Qurylys salasynda naqty kólem ındeksi 2020 jyldyń qańtar-qarasha aılarynda 112,1% boldy. 15 óńirde oń dınamıka baıqalady. Turǵyn úı qurylysynda bıylǵy 11 aı qorytyndysynda 12,1 mln sh.m. baspana paıdalanýǵa berildi, bul – ótken jyldyń osy kezeńimen salystyrǵanda 109,3% quraıdy.
Respýblıka boıynsha barlyǵy 106 myń 86 baspana paıdalanýǵa berildi. 15 óńirde bul kórsetkish artty.
Mınıstrlik 2020 jylǵa qoıylǵan mindetterdi iske asyrý úshin salalardyń barynsha keń sheńberinde resessııa taralýyn tejeý jáne neǵurlym zardap shekken salalardaǵy jaǵdaıdy turaqtandyrý úshin barlyq qajetti sharalardy qabyldap jatyr. Jyl qorytyndysy boıynsha josparly kórsetkishterge qol jetkiziledi.
