16 jeltoqsanda elordada uıymdastyrylǵan boks keshiniń basty jekpe-jeginde óner kórsetken Aı̆dos Erbosynuly (15-0, 10 KO) ganalyq Isa Samırmen (19-1, 16 KO) judyryqtasyp, ózine tıesili WBC Asia, WBA International jáne WBO Global beldigin qorǵap qaldy. Ekinshi orta salmaqta ótken jekpe-jek nebári úshinshi raýndta otandasymyzdyń jeńisimen aıaqtaldy. Sonymen qatar osy keshtiń anderkardynda baq synaǵan jerlesterimiz Danıl Semenov, Evgenıı Pavlov, áýesqoı bokstaǵy álem chempıony Bekzat Nurdáýletov jáne Azııa chempıony Bek Nurmaǵanbet kezekti jeńisterine qol jetkizdi.
Bokstan ulttyq qurama kapıtany Qamshybek Qońqabaev bastaǵan jigitter de Almaty rınginiń shańyn qaqty. Jasóspirimder Olımpıadasynyń kúmis júldegeri Talǵat Sháıken bastap bergen jeńisti joldy WBC tujyrymy boıynsha jastar arasyndaǵy álem chempıony Sultan Zaýyrbek, 2017 jyly 75 kıloda bokstan el chempıony atanǵan Abaı Tólesh jáne taǵy basqa birqatar boksshylarmyz sátti jalǵap, Qońqabaev jeńisti joldy túıindedi.
