Aralaý barysynda sottalǵandardyń jatatyn oryndary, mekemeniń ashanalary, medısınalyq-sanıtarlyq qamtamasyz etý, qatań jaǵdaıda ustaý oryndary, kezdesý bólmeleri tekserildi, dep habarlaıdy atalǵan vedomstvonyń baspasóz qyzmeti.
Qoǵamdyq baıqaý komıssııasynyń músheleri mekemelerdi aralaý barysynda sottalǵandardyń qoljetimdi oryndaryna (jasaqtarǵa) adam quqyqtary jónindegi ýákil Elvıra Azımovaǵa, qoǵamdyq baıqaý komıssııalaryna, ulttyq aldyn alý tetigine, sondaı-aq prokýratýraǵa joldaý úshin aryz-shaǵym salýǵa arnalǵan jáshikterdiń bar-joǵyna, jasaqtardaǵy sottalǵandardyń jatyn oryndarynyń jaı-kúıine erekshe nazar aýdardy.
Sottalǵandarmen suhbat júrgizip, jeke suraqtarymen júgingen sottalǵandardy qabyldady.
Mekemelerdi aralaý barysynda komıssııa músheleriniń janynda QAJ departamenti bastyǵynyń orynbasary ádilet podpolkovnıgi Qanat Jarylǵapov, mekeme bastyqtary men olardyń orynbasarlary, tárbıe jáne rejım bólimderiniń bastyqtary birge júrdi.
Aralaý qorytyndysy boıynsha komıssııa músheleri mekeme qyzmetine qanaǵattanarlyq degen baǵa berip, jazbasha ne bolmasa aýyzsha usynymdar qaldyrmady.
