Jańa aýyz sý nysany qurylysynyń smetalyq quny 401 mln teńgeni quraıdy. Oblys ákimi qurylys jumysyn sapaly oryndaǵany úshin merdiger kompanııaǵa alǵysyn bildirdi.
Sodan keıin oblys ákimi Shıeli kentindegi «Kókshoqy» móltek aýdanynan turǵyndarǵa 3 qabatty 18 páterli turǵyn úıdi tabystady. Turǵyn úı qurylysyna oblystyq bıýdjetten 176 mln teńge qarjy bólinip, bas merdiger «SMP-Qyzylorda» JShS tarapynan qurylys-montajdaý jumystary júrgizilgen. Qurylystyń jer kólemi 1,76 gektar, al ǵımarattyń jalpy aýdany 60 sharshy metrdi quraıdy.
Baspanaly bolǵandardyń biri, 8 balanyń anasy Maral Dastanova oblys ákimine turǵyndar atynan alǵys bildirdi. Qonys toıyn toılaǵan turǵyndarǵa aýdan ardageri Jaqaı Saqbaev bata berip, el ıgiligi jolyndaǵy eleýli isterge rızashylyǵyn jetkizdi.
Ákim sapary barysynda jol ústinen soǵylǵan avtomobıl kópiri qurylysynyń ashylý saltanatyna qatysty. Shıeli stansııasynyń «Shıeli-20 beket» ýchaskesindegi avtomobıl joly kópiri «Jumyspen qamtý jol kartasy» aıasynda salynǵan. Jobaǵa 673 mln teńge qarjy bólinip, qurylysqa 75 adam, 18 tehnıka jumyldyryldy. Kópirdiń uzyndyǵy 60 metr, eni 11 metr, joldyń jalpy uzyndyǵy 1,2 shaqyrym.
Munan keıin aımaq basshysy Jańaturmys aýyldyq okrýgine baryp, «Jumyspen qamtýdyń jol kartasy» baǵdarlamasy aıasynda iske asqan turǵyn úılerdi gazǵa qosý rásimin kórip, eldiń kópten kútken bastamaly iske sáttilik tiledi.
«Búgin biz aýdandaǵy taǵy bir ıgilikti istiń kýási bolǵaly turmyz. О́zderińiz bilesizder, buǵan deıin jyl saıyn esep berý kezdesýinde aýyl halqynyń kóterip júrgen eń basty máselesi aýylǵa kógildir otyn tartý bolatyn. Mine, búgin sol maqsatqa qol jetkizip, tabıǵı gazdy saltanatty túrde qosqaly turmyz. Quny 204 mln teńge bolatyn bul jobaǵa oblystyq bıýdjetten qarjy bólinip, Jańaturmys aýyldyq okrýgi boıynsha 205 turǵyn úı tabıǵı gazben qamtamasyz etiledi», dedi Gúlshara Ábdiqalyqova.
Shara barysynda arnaıy qondyrǵydan alaý jaǵylyp, Jańaturmys halqynyń turǵyn úıleri gazǵa qosyldy.
Aıtý kerek, bıyl aýdan ortalyǵy Shıeli kenti 100 paıyz gazben qamtylǵan. Jaqaev eldi mekeninde 260, Bıdaıkól eldi mekeninde 210 jeke turǵyn kógildir otynǵa qosylǵan. Aldaǵy ýaqytta N.Bekejanov, Qodamanov, Aqmaıa, Alǵabas eldi mekenderin gazdandyrý boıynsha jumystar jalǵasady.
