Premera kúnderi «Qyz Jibek» operasy rejısser - Mıhaıl Pandjavıdze (Reseı, Máskeý), dırıjer – Qanat Omarov, sýretshiler – Sofıa Tasmaǵambetova men Pavel Dragýnov, horeograftar – Gúljan Tútkibaeva men Aıgúl Tátıdiń rejıssýra men ssenografııadan tabylǵan erekshe sheshimderimen elimizdiń bas teatrynyń úlken sahnasynda jańasha dúnıege kelip, jańasha shyrqalady.
«Qyz Jibek» operasynyń premerasy kompozıtor Evgenıı Brýsılovskııdiń, spektakldiń birinshi rejısseri Qurmanbek Jandarbekovtiń jáne bas partııany Oryndaýshy Qanabek Baıseıitovtiń 115 jyldyǵyna oraılastyrylǵan. Olardyń shyǵarmashylyǵy qazaq ulttyq opera óneri men kásibı mýzyka mádenıetiniń damýymen tyǵyz baılanysty. «Qyz Jibek» lırıkalyq-epıkalyq operasy-ulttyq mýzyka óneriniń altyn qoryn quraıtyn alǵashqy qazaq operasy.
Dırıjer úshin mýzykalyq materıalmen jumys jasaýda partıtýraǵa tolyǵymen enýge múmkindik beretin emosıonaldy baılanystardy, sóz tirkesterin, sahnany túsiný óte mańyzdy. «Qyz Jibek» operasynda men úshin osyndaı baılanys túri áıel beıneleri boldy.
Mysaly, Jibekpen assosıasııalanyp, búkil operadan ótetin «Gákký» basty taqyryby keıipkerdiń emosıonaldy jaǵdaıyna súıene otyryp, ol birde tunyq ári sulý, birde qaıǵyly da beımaza, ıaǵnı ár sátte ár túrli estiledi», teatrdyń bas dırıjeri Qanat Omarov.
«Qyz Jibek» operasy – álemdik muranyń qazynasy. Romeo men Djýlettanyń tarıhynan basqa, ádebıettanýshylar bul jumysta búkil álem ádebıetinen birneshe sıýjettik jelilerdi kóredi. Men Orta Azııada, Túrkimenstanda dúnıege kelgendikten halyqtyq dástúrlermen jaqsy tanyspyn, sol sebepten de bul maǵan jaqyn ári túsinikti. Daıyndyq barysynda men qazaq halqynyń mádenıeti týraly kóp nárse bildim jáne dástúrlerdi saqtaý qajettiligin jaqsy túsinemin. Sonymen qatar, dástúr arnasynda máńgi qalýdyń da maǵynasy joq ekenin túsinemin, óıtkeni spektakl, ýaqyt rýhyna sáıkes kelmeı, qyzyqsyz bolyp shyǵýy da múmkin», dedi teatrdyń qoıýshy-rejısser Mıhaıl Pandjavıdze.
«Qyz Jibek» operasynyń jańa qoıylymy – bul kóptegen mýzykalyq yqshamdaýlar ashylǵan úlken, tolyqqandy spektakl. Osynyń arqasynda spektaklge «Qyz Jibek túsi» sahnasy qaıta oralady.
