L.N.Gýmılev atyndaǵy Eýrazııa ulttyq ýnıversıteti baspasóz jáne baspa isi kafedrasynyń aǵa oqytýshysy, tanymal jýrnalıst Ǵalymjan Báıimbettiń uıymdastyrýymen ótken onlaın kezdesýde Nık Fıldıng óziniń gazettegi baı tájirıbesimen bólisti. Ásirese jýrnalıstiń qoǵamda rezonans týdyrǵan zertteýleri magıstranttardy da beı-jaı qaldyrmady.
Onlaın kezdesý barysynda brıtanııalyq jýrnalıst Nık Fıldıng «The Correspondent» jýrnalynda jumys istep júrgen kezdegi memlekettik balalar úıindegi jasóspirimderdiń zańsyz árekettermen aınalysqany, narkotık qabyldap, ishimdik ishkendigi týraly anyqtaǵanyn aıtty. Jýrnalıstik zertteý nátıjesinde qylmystyq is qozǵalyp, jaýapty mamandardyń kópshiligi jaýapkershilikke tartylǵan.
Nık Fıldıngtiń jýrnalıstik zertteýleriniń ishinde kópshiliktiń qyzý qoldaýyna ıe bolǵan maqalasy – teńiz arystandarynyń (ıtbalyqtyń bir túri) zańsyz túrde Anglııadan Fransııaǵa satylýyna baılanysty oqıǵa. Oqıǵany zertteýge birneshe aı zertteý júrgizgen jýrnalıstke gazet oqyrmandary qarjylaı kómek berip, nátıjesinde ıtbalyq Anglııaǵa qaıtarylǵan.
Jýrnalıst brıtandyq ǵalymdarmen birge arheologııalyq qazba jumystaryna qatysyp, dınozavrdyń tolyqqandy súıekteri men formasyn tabýǵa atsalysady. Nık Fıldıngtiń osy kezdegi zertteýi kelesi bir maqalasyna túrtki bolǵan. Arheologııalyq qazba jumystarynyń nátıjesinde ejelgi dınozavr súıekteri men basqa da qundy zattardyń qara bazarda satylýy jaıly derekterdi anyqtaǵan. «Qoǵamdyq rezonans týdyrǵan jýrnalıstik zertteý kelesi bir qylmystyq istiń ashylýyna sebep boldy. Tájirıbeli jýrnalıst oqyrmandy áreketke ıtermeleý avtordyń óz qolynda», - deıdi.
Nık Fıldıng Afrıkaǵa sapary, terrorızm taqyrybynda jazǵan birqatar maqalalaryna toqtaldy. Erekshe terrorıst týraly zertteýinde aýqatty otbasydan shyqqan, London ýnıversıtetiniń túlegi, shahmattyń chempıony bolǵan pákistandyq jigittiń IGIL-diń múshesi bolyp, taǵdyrynyń kúl-talqany shyqqany jaıly jazǵan. Jastarmen suqbat barysynda saıası tańdaý jasaýda jaýapkershiliktiń mańyzyn túsindirdi.
Brıtandyq jazýshy, jýrnalıstpen bolǵan suqbatta Qazaqstannyń tarıhyna qatysty birqatar máseleler kóterildi. Ol Qazaqstanda arheologııalyq qazba baılyǵynyń óte kóp ekendigin, jastardyń ony zertteýge kóńil bólý qajettigin eskertti.
Halyqaralyq jýrnalıstıka magıstratýra bilim alýshylary qashyqtan oqý barysynda birqatar brıtanııalyq jýrnalıstermen onlaın kezdesip, dáristerin tyńdady. Bir aıta keterligi, sheteldik áriptestermen ótkizilgen kezdesýlerdiń barlyǵy aǵylshyn tilinde júrgizildi. L.N.Gýmılev atyndaǵy Eýrazııa ulttyq ýnıversıtetiniń bolashaq magıstrlary brıtandyq jýrnalıst, ǵalymdarmen erkin pikir almasyp, ǵylymı esse jazýda. Osylaısha ýnıversıtet bilikti jýrnalısterdiń artýyna óz úlesin qospaq.
