Jıynǵa «Qazaqstandyq temirjol, avtokólik, áýe jáne sý kóligi qyzmetkerleriniń salalyq kásipodaǵy» «Astana» fılıalynyń tóraǵasy Serik Sársekeev, Nur-Sultan qalasynyń Kásipodaqtar ortalyǵy tóraǵasynyń mindetin atqarýshy, elordalyq shtabtyń basshysy Tólegen Kúnádilov, Nurly jol vokzalynyń bastaýysh kásipodaq uıymynyń tóraǵasy Beıimbet Ulazbek qatysty.
Kezdesýdiń basty maqsaty – 2021 jyldyń 10 qańtaryna belgilengen Parlament májilisi men máslıhat depýtattarynyń saılaýyna qatysty boldy.
«Kásipodaqtar Federasııasy Parlament májilisi men máslıhattar depýtattarynyń saılaýyna baıqaýshy retinde qatysady. Bul saılaý naýqanyn obektıvti jáne ádil baǵalaýǵa múmkindik beredi. Sonymen birge saılaý naýqany aldynda jumys berýshilerdiń tarapynan eshqandaı qysymnyń, məjbúrli daýys bergizýdiń bolmaýyn qadaǵalaıdy», dedi Tólegen Kúnádilov.
Sonymen qatar Qazaqstan Respýblıkasy azamatynyń saılaýǵa qatysýy erkin jáne erikti ekenin aıtyp ótti.
«Osy qaǵıdalar elimizdiń Konstıtýsııasynda jáne «Qazaqstan Respýblıkasyndaǵy saılaý týraly» Konstıtýsııalyq zańynda bekitilgen. Eger jumys berýshiler tarapynan saılaýǵa qatysyp, qandaı da bir partııaǵa daýys berýge qatysty qysym jasalsa, qalalyq shtabtyń jedel jelisine habarlasyp, aıtýǵa bolayd», dep atap ótti Kúnádilov.
