Bırjadaǵy saýda-sattyqta teńgeniń AQSh dollaryna shaqqandaǵy baǵamy jeksenbiden beri (–)0,98% álsirep, 421,25 teńge shamasynda tur. Ulybrıtanııada koronavırýstyń jańa túri paıda boldy degen jańalyqtyń saldary bar, odan qaldy, osy oqıǵaǵa baılanysty saparlar men qozǵalystar shektelgen soń munaı baǵasy quldyrap, damýshy elderdegi negizgi valıýtalardyń álsiregeni – Qazaqstan ulttyq valıýtasynyń álsireýine de yqpal etti.
Energııa tasymaldaýshy naryqtarǵa áser etken qosymsha jaǵymsyz faktordyń biri – ınvestorlardyń tómendeıdi degen boljamyna qaramastan, AQSh-taǵy shıki munaı qorynyń óskeni týraly málimet boldy. Sonyń saldarynan Brent markaly munaı ótken aptanyń sońynan beri 5,7% arzandap, búgingi saýda-sattyqtyń azııalyq sessııasynda barreline $49,26 satyldy.
Shıki munaı qory týraly statıstıkany eskersek, naqty tutyný kólemi kútilgen mánderge jetpeıdi, boljanǵan mánder OPEK+ elderiniń munaıdy az óndirý merzimin uzartý týraly sheshiminiń nátıjesinde energııa tasymaldaýshy naryqtarda optımızm týdyrǵan bolatyn.
COVID-19 vırýsynyń jańa shtammy tabyldy degen jańalyqqa baılanysty álemdik ındeksterge de túzetýler endi. Eýropalyq dári-dármek agenttiginiń tarapynan Eýroodaq elderiniń aýmaǵyna COVID-19-ǵa qarsy vaksınany paıdalanýǵa ruqsa berý týraly jedel sheshim qabyldanǵanyna qaramastan, eýropalyq ındekster de 1,7–2,5% tómendedi. AQSh-tyń qazirgi prezıdenti D. Tramp qoldaýdy arttyrý baǵytynda túzetýler engizýge qatysty usynystar qoldaý tappaǵanyn alǵa tartyp, Kongress maquldaǵan yntalandyrý paketine qol qoıýdan bas tartqannan keıin AQSh bırjalary ártúrli baǵyttarda jabyldy. Máselen, NASDAQ rekordty ósim kórsetse, Dow Jones pen S&P 500 ındeksteri yntalandyrý paketine qatysty naqty sheshim bolmaǵan soń, mınýspen jabyldy, bul óz kezeginde ósim úshin qosymsha táýekelder týdyrdy.
Shıkizat naryqtarynyń quldyraýyna baılanysty, damýshy naryqtardyń valıýtalary ótken aptanyń aıaǵynan bastap tómendep, seısenbide jalpy teris mándermen jabyldy. Dollarǵa shaqqanda Brazılııa realy (–)1,6%, Meksıka pesosy (–)1,0%, Ońtústik Afrıkanyń rand baǵamy (–)0,9%, Úndistannyń rýpııasy (–)0,7%, Túrik lırasy (–)0,5%, Úndi rýpııasy (–)0,4% álsiredi.
Vaksınasııa bastaldy degen jańalyqtyń áserinen qarashadan bastap aıtarlyqtaı nyǵaıǵan Reseı rýbli de álsirep, juma kúngi (–)3,3% deńgeıinen búgin bir dollar úshin 76 rýblge deıin arzandady.
Teńgeniń aıyrbastaý kýrsy syrtqy negizgi faktorlardyń yqpalymen qalyptasyp, energııa tasymaldaıtyn negizgi naryqtar men damýshy elderdiń naryqtaryna tán dınamıka kórsetip otyr.
