Jeke kásipkerlikti atalǵan servıste birneshe ret basý arqyly ashýǵa bolady. Iаǵnı «JK bolý» siltemesi boıynsha ótý jetkilikti. Odan keıin júıe aldaǵy qadamdardy usynady. Sondaı-aq JK ashýdyń barlyq prosesi 5 mınýttan aspaıdy. Qyzmet kompozıtti ekenin atap ótý mańyzdy, ıaǵnı ótinish berýshiler JK-ny onlaın tirkep, JK-da shotty bir terezede birden asha alady.
«Biz memlekettik qyzmetterdi alý prosesin barynsha jeńildetý boıynsha jumys istep jatyrmyz jáne qazaqstandyqtarǵa JK tirkeýdiń balamaly tásilin usynýdamyz. Memleket basshysy Joldaýynyń negizgi baıandamasynyń biri – shaǵyn jáne orta bıznesti qoldaý. Sondyqtan, isin jańa bastaǵan kásipkerler úshin prosesterdi ońtaılandyrýǵa jumys isteımiz. Osyndaı biriktirýdi basqa banktermen jáne uıymdarmen de júrgizemiz. Sıfrlandyrý barysynda monopolııa joq, biraq maqsatymyz – paıdalanýshylardyń qyzmetti úzdiksiz alýyn qamtamasyz etý. Memleket osy prosesterde baıqalmaıtyndaı bolýy tıis», dedi Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın.
Budan basqa, JK ashqannan keıin sanaýly mınýttarda kásipkerler bankte shot ashyp, korporatıvtik karta shyǵaryp, Onlinebank bıznesine arnalǵan mobıldi qosymshasy arqyly óz shottary men kartalaryn qashyqtan basqara alady.
«Bizdiń barlyq ázirlemelerimiz klıentterdiń usynystaryn eskere otyryp iske qosylady, al ıkemdi júıe olardy beıimdeýge jáne jetildirýge múmkindik beredi. Biz bıznes barysynda óz isin damytýda qoldaý qajet ekenin túsinemiz. Sondyqtan JK tirkeý qyzmeti bizdiń klıentterimiz úshin qajetti servıs. Qyzmet alýda qashyqtan qol jetkizý óte mańyzdy», deıdi Halyk Bank Tranzaksııalyq satý departamentiniń dırektory Gúlsim Dýshatova.
Onyń aıtýynsha, Onlinebank bızneske arnalǵan qosymshasy bıznestiń jumys isteýi úshin kóptegen paıdaly jáne yńǵaıly servıstermen jabdyqtalǵan. Bul arqyly bıznes klıentter shottardy basqara alady, 24/7 ózara esep aıyrysýdy júrgizedi, shottar boıynsha barlyq qajetti aqparatty lezde ala alady, bıznesti tegin saýda alańynda damytady, onlaın býhgalterııany júrgizetin bolady. Bul isin endi bastaǵan jeke kásipkerler úshin óte mańyzdy. Servıs salyqtardyń, aýdarymdardyń somasyn derbes esepteıdi, sondaı-aq maǵlumdamany MKB-ǵa jiberedi.
Jeke kásipkerliktiń Halyk Bank qosymshasy arqyly tirkelýi jeke kásipker bolýdy tekserý, jeke kásipker qyzmetiniń bastalýy týraly habarlamany jáne talondy qalyptastyrý boıynsha qosymsha servısterdi qurý arqyly múmkin boldy. Qarjy mınıstrligi Memlekettik kirister komıtetiniń aqparattyq júıelerimen, E-lısenzııalaý memlekettik derekter qorymen jáne bankpen biriktirý arqyly júrgizildi. Servıs veb-nusqasynan da, Onlinebank bıznesine arnalǵan mobıldi qosymshasynan da qoljetimdi. Qosymsha Play Market jáne App Store-da júkteýge bolady.
Aıta ketelik, qyzmetti alý úshin azamat openaccount.halykbank.kz siltemesine ótý nemese bızneske arnalǵan Onlinebank qosymshasyn júkteýi qajet. Budan ári tıisti qyzmetti tańdap, óz bıznesińiz týraly eń qajetti aqparatty toltyrasyz. Sodan keıin ǵana JK birden tirkeletin bolady.
