Aımaqtar • 03 Qańtar, 2021

Almaty kitaphanalary jańa jumys formatyna kóshedi

Megapolıste Ortalyqtandyrylǵan kitaphanalar júıesi nysandaryn modernızasııalaý júrip jatyr, dep habarlaıdy Egemen.kz

Kitaphanalardy modernızasııalaýdyń basty mindeti – qyzmetterdiń sapaly jańa júıesin qurý, kitaphanalardy bilim alý, kommýnıkasııa jáne bos ýaqytty ótkizý úshin kópfýnksıonaldy ortalyqtarǵa aınaldyrý.

Qalalyqtardyń oqýǵa, azamattyq, shyǵarmashylyq, zııatkerlik áleýetin ashýǵa qyzyǵýshylyǵyn arttyrý úshin qalanyń ár aýdandarynda ornalasqan 25 kitaphananyń fılıaldary modernızasııalanýda.

Solardyń biri – Jambyl atyndaǵy qalalyq jasóspirimder kitaphanasy, munda kún saıyn 500-den 1,5 myńǵa deıin oqyrmandar keletin zamanaýı oqý ortalyǵy quryldy.

2019 jyly №№ 15, 20, 24, 32, 33 fılıal kitaphanalary qaıta jasaldy, 2020 jyly taǵy 10, №№ 1, 4, 6, 26, 29, 30 kitaphanalar jańartyldy, Chehov atyndaǵy Ortalyq qalalyq kitaphana, Krylov atyndaǵy Qalalyq balalar kitaphanasy, Qazaqstan jazýshylarynyń kitaphanalary.

Kitaphanalardyń zamanaýı dızaıny ýaqytty jaqsy ótkizýge múmkindik beredi, bul shyǵarmashylyq oqyrmandar qaýymdastyǵynyń kezdesýlerin, sheberlik synyptaryn jáne qyzyqty adamdarmen kezdesýleri úshin yńǵaıly alań.

Kitap qory Internette jalpyǵa qoljetimdi, jaıly bólmeler jabdyqtalǵan, paıdaly aqparatty jyldam tabýǵa kómektesetin zamanaýı tehnologııalar qoldanylady. Balalar men jas oqyrmandar úshin oıyndarǵa, demalýǵa jáne kitap oqýǵa qolaıly jaǵdaılar jasalǵan.

Modernızasııadan keıin jańa kitaphanalar tek kitap oqıtyn oryn ǵana emes, sonymen qatar almatylyqtar ózderiniń shyǵarmashylyq áleýetin iske asyratyn, demalyp, júzdesetin orynǵa aınalady. Sonymen qatar, jańa kitaphanalar ártúrli sanattaǵy oqyrmandar úshin erkin úıirmeler jumysyn uıymdastyrýda.

2020 jyldyń jeltoqsanynda «ALATAU CREATIV HAB» jańa shyǵarmashylyq ortalyǵy ashyldy. Munda turǵyndarǵa jańa kitaphananyń jumysy usynylady, balalarǵa arnalǵan bilim berý is-sharalary, prezentasııalar, trenıngter jáne 20 tegin úıirmelerdiń jumystary uıymdastyrylǵan.

2021 jyly kitaphana júıesin modernızasııalaý qalǵan úsh kitaphana fılıaldarynda júzege asady, olar: №39 balalar fılıaly (Dostyq dańǵyly, 111/4), №14 buqaralyq kitaphana fılıaly (Rımskıı-Korsakova kóshesi, 3) jáne Begalın atyndaǵy ortalyq qalalyq balalar kitaphanasy.