«Bul asa mańyzdy qujat. Ol jan-jaqty talqylandy. Jasyratyny joq, ekologııalyq jáne ekonomıkalyq múddeler arasyndaǵy tepe-teńdikti eskerý qajet bolǵandyqtan qıyndyqtar kezdesti. Ekologııalyq ahýaldy barynsha tez jaqsartamyn degen azamattardyń yqylasyn túsinýge bolady. Alaıda bul ahýaldyń jaqsarýy bir degende emes, birneshe jyldyń ishinde oryn alady. Sebebi ekologııany jaqsartý úshin bizdiń ónerkásipte aıtarlyqtaı tehnıkalyq jáne tehnologııalyq júıeli ózgeristerdi iske asyrý qajet», dedi M. Myrzaǵalıev.
Osy oraıda mınıstr Memleket basshysy jaqynda ǵana qol qoıǵan kodekstiń reformatorlyq qujat ekenin aıtty.
«Úsh kún buryn Memleket basshysynyń Ekologııalyq kodekske qol qoıǵanyn erekshe qýanyshpen atap ótkim keledi. Qabyldanǵan qujatty reformatorlyq dep ataýǵa bolady. Ol Ekonomıkalyq yntymaqtastyq jáne damý uıymy (OESR) men Eýropa elderiniń ozyq tájirıbesin eskere otyryp, pysyqtaldy», dedi ol.
