«Biz mektep medısınasy salasyndaǵy problemalyq máselelerdi talqylaý, eskerý jáne kelesi jyly qajet bolǵan jaǵdaıda normatıvtik-quqyqtyq aktilerge ózgerister engizý, qarjylandyrý máselelerin jáne basqa da problemalardy sheshý úshin jınaldyq. Balalardyń densaýlyǵy – bizdiń jumysymyzdyń mańyzdy baǵyttarynyń biri», dedi Ajar Ǵınııat.
Ana men bala densaýlyǵyn qorǵaý departamenti Balalar men jasóspirimder densaýlyǵyn qorǵaý basqarmasynyń bastyǵy Janar Sadýovanyń aıtýynsha, 2017 jyldan bastap 2019 jylǵa deıin respýblıka mektepterinde oqıtyndardyń sany 9%, al bir mektep medbıkesine júkteme 6%-ǵa artqan.
«2017 jyldan bastap mektep dárigerleri densaýlyq saqtaý júıesine kóshkeli medısına qyzmetkerleri arasynda biliktiligin arttyrǵandar qatary 2 esege kóbeıdi. Materıaldyq-tehnıkalyq qamtamasyz etý boıynsha da oń dınamıka bar. Úsh jyl ishinde medısınalyq kabınetterdi jabdyqtaý 2017 jylǵy 52 paıyzdan 2019 jyly 96 paıyzǵa deıin jaqsardy, sondaı-aq qarjylandyrý 27 paıyzǵa artty: 2019 jyly 7 mlrd teńgeden astam, 2020 jyly 18 mlrd teńgeden astam bólindi, 2021 jyly 18 mlrd teńge bólý josparlanýda», dedi J.Sadýova.
Júrgizilgen skrınıng sany artqan: oryndaý paıyzy 2017 jyly 89% jáne 2019 jyly 100% jetti. Kórý organdary patologııasynyń 1,4%, nevrologııalyq patologııalar 1,2%, stomatologııalyq patologııalar 1% tómendeýi baıqalady, tirek-qımyl apparatynyń patologııasyn anyqtaý 4%-ǵa ósti.
Oqý keshenderindegi gıgıenalyq normatıv pen tamaqtaný standarttarynyń saqtalýyna jasalǵan monıtorıng barysynda 1-5 synyp oqýshylarynda rıýkzak salmaǵy boıynsha normatıvtiń 2-2,5 esege deıin asyp ketkeni anyqtaldy, al jeke shkaftarmen bar bolǵany 25,8% jabdyqtalǵan.
«Eger mekteptegi densaýlyq saqtaý júıesine jıyntyq taldaý júrgizsek, onda óndiristik qaǵıdat boıynsha saýyqtyrýdyń tómen ekeni baıqalady. Iаǵnı turǵylyqty jeri men oqý orny arasynda aıyrmashylyq bolǵan kezde emhanalar arasyndaǵy sabaqtastyq, medısınalyq aqparattyq júıelerdi engizýdiń jetkiliksiz deńgeıi jáne mektepterdegi medısınalyq pýnktter kompıýterler jetpegennen zardap shegýde», dep atap ótti J.Sadýova.
Sondaı-aq medısınalyq kabınetterdi jabdyqtaý standarttaldy, BLS oqýmen jáne «mektep medısınasy» sıklimen qamtylǵan, mekteptegi medısına qyzmetkerleriniń sanattylyǵy artty, mektep oqýshylarynyń tamaqtaný rasıony boıynsha biryńǵaı standarttar ázirlendi jáne medısınalyq aqparattyq júıelerdi mekteptiń densaýlyq saqtaý júıesine kezeń-kezeńimen engizý kózdeldi.
«Mekteptegi medısına qyzmetkerleriniń biliktiligin ýaqtyly arttyrýdy josparlaý, oqýshylardy profılaktıkalyq tekserý jaǵyn damytýǵa bolady. Sondaı-aq menshik nysanyna qaramastan, medısınalyq uıymdardy jasaqtaýdy, memlekettik medısınalyq uıymdardy «Mektep medısınasy» sertıfıkaty bar dárigerlermen qamtamasyz etý qajet», dedi J.Sadýova.
Is-sharada Nur-Sultan qalasynyń mektep medısınasy úılestirýshisiniń jáne Medısınalyq saqtandyrý qorynyń taldaý jáne boljamdaý departamenti ókiliniń baıandamalary tyńdaldy.
Vıse-mınıstr A.Ǵınııat joǵaryda kórsetilgenderdi eskere otyryp, jergilikti densaýlyq saqtaý basqarmalaryna, qurylymdyq bólimsheler men mınıstrlikke qarasty medısınalyq uıymdarǵa túıtkildi máselelerdi sheshý úshin tıisti tapsyrmalar berdi.
