Parsy shyǵanaǵynda kelisim ornamaq

Besinshi onjyldyqqa qadam basqan uıym bıyl kóptegen máseleniń sheshimin tabýdy mindetine alyp otyr. Áriptestik keńesiniń bas hatshysy Naıef Falah ál-Hajraf bul jıyn jańa bólimniń kirispesi ekenin aıtty. Bıylǵy jıynnyń basty mıssııasy – Qatar elimen qarym-qatynasty túzeý. О́ıtkeni 2017 jyly maýsymda Saýd Arabııasy Birikken Arab Ámirligi, Bahreın, Mysyr memleketterimen birigip Qatarmen áýe, áskerı baılanysty toqtatqan-dy. Mundaı sheshim qabyl­daýǵa Qatardyń Irandaǵy lań­kes­tik toptardy qoldaýy áser etipti. Degenmen Qatar bul aıyppen kelispeıdi.

Úsh jyl boıy Qatar blokadaǵa shydap keldi. Sońǵy kezde Saýd Arabııasy tarapynan jasalǵan qadamdar, shıe­lenistiń kúrmeýi sheshiletinine úmit­tendirgendeı.

Jaqynda Saýd Arabııasynyń hanzadasy Áriptestik keńesiniń otyrysy memleketterdiń birigýine, aımaqtaǵy syndy birigip eńserýge bastaıdy degen senimin bildirdi. Al Kýveıt Syrtqy ister mınıstri Ahmad Nasser ál-Sabah Saýd Arabııasy áýe keńistigin, teńiz jolyn ashýǵa kelisim berip otyr­ǵanyn habarlady. Degenmen Saýd Arabııasynyń Syrtqy ister mınıstri Faısal bın Farhan ál-Saýd kelisim áli de júrgizilip jatqanyn, shekara tolyqtaı ashylmaǵanyn málimdedi.

Eki eldiń kelisimge kelýine BAÁ men Mysyr da múddeli ekenin bildirdi. BAÁ Syrtqy ister mınıstri Anýar Gargash «Keńes durys baǵytty tańda­dy» degen oıymen bólisti. «Biz Ál-Ýlada jazylatyn tarıhı sáttiń aldyn­da turmyz. Osylaısha biz shyǵanaq­taǵy shıelenistiń sheshilýine qadam jasamaqpyz. Budan bylaı qaýipsizdik kúsheıip, sońǵy aılarda týyndaǵan máselelerge núkte qoıamyz», dedi.

Mınıstrdiń sońǵy aılardaǵy máse­leler dep otyrǵany Qatar men Bahreın arasyndaǵy kıkiljiń bolýy múmkin. О́ıtkeni 9 jeltoqsanda Qatar BUU-nyń Qaýipsizdik Keńesine hat joldaǵan-dy. Hatta «Bahreın Qatar áýe keńistiginen 4 ret joıǵysh ushaq ushyrdy» dep jazylǵan. Bahreın bul aıyppen kelispeı, ushaqtar Saýd Arabııasy men Bahreın arasyndaǵy oqý-jattyǵý baǵdarlamasy negizinde ushyrylǵanyn habarlady.

Osy oraıda Qatar ámirshisi sheıh Tamım bın Hamad ál-Tanıdiń 2017 jyl­dan beri keńes otyrysyna qatys­paı kelgenin aıtyp ótken jón. Ol jıynǵa dıplomattar men ókilder jiberip otyrdy. Degenmen bıylǵy jıynda boı kórsetti. Bul da elder arasynda kelisim ornaıtynyna belgi retinde qabyldandy. Al Bahreın atynan korol emes hanzada keletin boldy. BAÁ atynan Dýbaı ámirshisi sóıleıtini málim.

Pandemııa da – bul jıynnyń bas­ty taqyryptarynyń biri. Parsy shyǵanaǵyndaǵy elder de álemdi jaılaǵan vırýstan japa shekkeni anyq. Olar ekonomıkany jańǵyrtý, turaqtylyq taqyryptary aıasynda da birqatar kelisimge kelmek. «Biz shyǵanaqtaǵy kelisimdi nyǵaıtý arqyly ekonomıkany qaıta jańǵyrta alamyz. Qalypty ómirge qaıta oralý da kelisimge baılanysty. Pandemııadan keıingi maqsattarǵa jetý úshin de aýyzbirshilik qajet», dedi keńestiń bas hatshysy ál-Hajraf.

Otyrystyń birinshi kúni memleket basshylary kezdesýler ótkizip, talqylaýlarǵa kiristi. Onda kóbine shekara máselesi qozǵaldy. Qatar sheıhy Hamad ál-Tanı Airbus A340 ushaǵymen ushyp keldi. Ony Saýd Arabııasynyń hanzadasy Muhammed bın Salman jyly qarsy aldy.

Kezdesý barysynda birqatar saltanatty jıyn da oraılastyryldy. Memleket basshylary men mınıstrler áriptestikti jańa deńgeıge shyǵaratyn, ekonomıkanyń qaıta túleýine sep bolatyn ǵımarattardyń ashylýyna qatysty. Máselen, Qatardyń Qarjy mınıstri álemdik deńgeıdegi St. Regis Hotel-diń jumysyn bastaýyna ruqsatyn berdi.