Rojdestvo jaqsylyqtyń, meıirimdiliktiń, ózara kómek pen adamgershiliktiń saltanatyn bildiretin rýhanı dástúrlerdiń bastaýy. Árbir adamnyń dinı sezimin qurmetteý - memleketimizdiń basty qaǵıdalarynyń biri. Qazaqstanda Rojdestvo Qurban aıtpen qatar negizgi merekelerdiń biri retinde atap ótiledi, - dedi ol.
Sondaı-aq egemendik alǵannan beri elimizde etnosaralyq kelisim men ózara dıalogty nyǵaıtýǵa basa nazar aýdarylyp kele jatqanyna toqtaldy.
Memleket basshysy óziniń «Táýelsizdik bárinen qymbat» atty maqalasynda biz úsh onjyldyq ishinde alýandyqty ózimizdiń básekelestik artyqshylyǵymyzǵa aınaldyra alǵanymyzdy jáne etnosaralyq kelisimdi odan ári saqtaý tek memlekettik organdar úshin ǵana emes, búkil qoǵam, árbir azamat úshin mindet bolyp tabylatynyn atap ótti. Bul baǵytta aldaǵy kezeńde beıbitshilikti, kelisimdi nyǵaıtýǵa jáne bizdiń ortaq Otanymyz – Qazaqstan Respýblıkasyn damytýǵa pravoslav qaýymy belsendi yqpal etetinine senimdimin. Barlyq pravoslavtarǵa zor densaýlyq, amandyq jáne ıgi ister men bastamalarda tabys tileımin, - dedi M. Áshimbaev.
