Joǵarǵy Sot janyndaǵy Sottardyń qyzmetin qamtamasyz etý departamenti basshysynyń orynbasary Nursultan Baıtilesov Qyzylorda oblystyq sotynyń ujymyna Sottar ákimshisiniń jańa basshysy Saǵatbek Súleımendi tanystyrdy.
Nursultan Baıtilesov pen Qyzylorda oblystyq sotynyń tóraǵasy Qambar Nuryshev Saǵatbek Súleımenniń sot júıesindegi kásibıligin, jeke qasıetterin, bilimi men jumys tájirıbesin atap ótti. Spıkerler óńir sottarynyń jumys sapasyn arttyrý úshin barlyq kúsh-jigerin salatynyna senim bildirdi.
Jumys sapary barysynda N. Baıtilesov oblystyq sot basshylyǵymen jańa Ákimshilik rásimdik-prosestik kodeks sheńberinde qurylatyn mamandandyrylǵan sotty ornalastyrý josparyn talqylady.
Departament basshysynyń orynbasary Qyzylorda qalasynyń №2 sotyna, qalalyq, mamandandyrylǵan ákimshilik, ekonomıkalyq, qylmystyq, tergeý sottaryna bardy. Ol sot murajaıymen, oqý ortalyǵynyń, baspasóz ortalyǵynyń jáne medıasııa kabınetiniń jumysymen tanysty. Sot qyzmetkerlerimen kezdesip, Joǵarǵy Sottyń sot júıesiniń ashyqtyǵyn qamtamasyz etý, sot isin júrgizýde sıfrlyq tehnologııalardy keńinen qoldaný jáne jańa ákimshilik sottardy qurý boıynsha júrgizip jatqan jumystary týraly habardar etti. Sonymen qatar, materıaldyq-tehnıkalyq jabdyqtaý, uıymdastyrý máselelerine jáne elektrondyq sot tóreligi servısteriniń jumysyna erekshe nazar aýdaryldy.
Anyqtama:
Súleımen Saǵatbek Bolatbekuly 1962 jyly Qyzylorda oblysynda dúnıege kelgen. 1987 jyly S.Kırov atyndaǵy Qazaq memlekettik ýnıversıtetin Quqyqtaný mamandyǵy boıynsha bitirgen.
2003 jyldan bastap Qyzylorda qalalyq sotynyń sýdıasy, Shıeli aýdandyq, Qyzylorda qalalyq №2 sottarynyń, Qyzylorda oblysynyń qylmystyq ister jónindegi mamandandyrylǵan aýdanaralyq sotynyń tóraǵasy, sondaı-aq Bas prokýratýrada prokýrordyń aǵa kómekshisi, Departamenttiń personaldy basqarý bólimi meńgerýshisiniń orynbasary jáne Joǵarǵy Sot Tóraǵasynyń keńesshisi qyzmetterin atqarǵan.
