N.Tabynbaev atap ótkendeı, búginde 691 adam medısınalyq baqylaýda –278 sımptomsyz jáne 413 naýqasta aýrýdyń jeńil belgileri bar. Sońǵy eki aptada osy sanattaǵy pasıentterdiń sany bir deńgeıde – 650-den aspaǵan. Juqtyrýdyń 7%-ǵa ósýi jeńil jáne ortasha aýyrlyqtaǵy sımptomdary bar pasıentterdiń esebinen júrip jatyr.
Almaty qalasy Qoǵamdyq densaýlyq basqarmasy COVID-19-ǵa qarsy kúreste alǵashqy medısınalyq-sanıtarlyq kómek deńgeıinde áleýetti arttyryp otyr. Eger 2020 jyldyń maýsymynda mobıldi brıgadalardyń sany 72 bolsa, búginde olardyń sany 298-ge jetti. Tartylǵan mamandar sany 5 esege artty.
Sonymen qatar, ambýlatorııalyq emdelýde jatqan COVID-19 bar pasıentterdi júrgizýde alǵashqy medısınalyq-sanıtarlyq kómek uıymdaryn qoldaý maqsatynda telemedısına ortalyǵy quryldy. Onyń maqsaty – osal naýqastardy – bul qart adamdar men janama aýrýlary bar naýqastardy qashyqtyqtan baqylaý jáne keńes berý. Sońǵy eki aıda 1 qarashadan 4 qańtarǵa deıin ortalyq mamandary 10 000-ǵa jýyq kiris qońyraýlaryn qabyldap, 40 000-ǵa jýyq shyǵys qońyraýlaryn jasady.
Jumys kovıdti pasıentterge kóp kóńil bóle otyryp, josparly pasıentterge kórsetiletin medısınalyq qyzmetterdiń sapasyna áser etpeıtindeı etip qurylǵan. KVI-diń teris nátıjesi bolǵan jaǵdaıda azamattar emhana dárigeriniń joldamasy arqyly em ala alady. Bul rette, PTR-testileýdi emhana tegin júzege asyrady, testtiń qoldanylý merzimi 5 kúndi quraıdy.
«Biz pasıentterge qandaı qamqorlyq kórsetsek, áriptesterimizge de sondaı qoldaý kórsetemiz. Sondyqtan PTR jasaı otyryp, biz, birinshi kezekte, olardyń juqtyrý qaýpin azaıtamyz. Shuǵyl jaǵdaıda aýrýhanaǵa jatqyzý kezinde PTR stasıonarda júrgiziledi», dedi N. Tabynbaev.
