D. Álkebaıuly atap ótkendeı, 2020 jyly jumyssyz azamattardy jumyspen qamtýǵa yqpal etý jáne belsendi sharalarǵa baǵyttaýdaǵy «Eńbek» memlekettik baǵdarlamasy úsh baǵytta júrgizildi.
Birinshi baǵyt aıasynda kásibı oqýlar, onyń ishinde qysqa merzimdi kýrstar usynyldy.
Mysaly, 2020 jyly osyndaı kýrstarda 27 kásip (mamandyq) boıynsha 25 oqý ortalyqtarynda 1 005 adam bilimderin jetildirdi. 932 adam oqýdy aıaqtady, onyń ishinde 624 adam nemese 67%-y jumysqa ornalastyryldy. Osy sharalarǵa 226,9 mln.teńge bólindi.
Ekinshi baǵyt boıynsha daǵdarysqa qarsy sharalar aıasynda 947,3 mln teńge bólindi, jeke bıznesterin nemese burynǵy kásipterin alǵa jyljytý úshin 555 myń teńgeden 1705 tegin granttar berildi. Grant alǵandardyń aınalysatyn negizgi jumystary tigin isi, tamaq daıyndaý, manıkıýr jáne shashtaraz jáne taǵy basqasy bar.
Úshinshi baǵyt aıasynda qoǵamdyq jumystardyń jospary 3 myńnan 14 myńǵa deıin ulǵaıtyldy. Jumyspen qamtýdyń osy túrine 16 myń jumyssyz adam qatysty, bul sharaǵa 5,8 mlrd teńge bólindi. Basqa ýaqytsha jumys oryndaryna 2,7 myń adam jiberildi, onyń ishinde jastar praktıkasymen JOO men kolledjderdiń 1,5 myń túlegi qamtyldy.
23 897 adam turaqty jumyspen qamtyldy. Onyń ishinde memlekettik baǵdarlamalar aıasynda – 735 adam, «Eńbek» portaly arqyly – 11 403 adam. Memlekettik qoldaý sharalarynsyz 11 759 adam jumyspen qamtyldy.
Memlekettik jáne úkimettik baǵdarlamalar aıasynda 76 301 jańa jumys orny quryldy (onyń ishinde 35 032 turaqty jumys orny), onyń ishinde: kásipkerlik sýbektileri – 30 032, «Eńbek» memlekettik baǵdarlamalary boıynsha – 18 648, aımaqtardy damytý boıynsha – 824, «BJK 2020» boıynsha – 3 540, JQJK boıynsha – 21 863, «Nurly jer» baǵdarlamasy boıynsha – 455, bilim men ǵylymdy damytý boıynsha – 70, ǴBDMB boıynsha 869 adam jumyspen qamtyldy.
Daǵdarysqa qarsy sharalar aıasynda «Jumyspen qamtýdyń jol kartasy» iske asyrylýda. 228 joba boıynsha 21,8 myńǵa jýyq jumys orny quryldy, Jumyspen qamtý ortalyǵy arqyly 11 myńǵa jýyq jumyssyz jumyspen qamtyldy, jumyspen qamtylǵan jastardyń úlesi 37%-dy quraıdy.
