QR Parlamenti Májilisi men máslıhattar depýtattaryn saılaýda Almaty qalasy aýmaqtyq kásipodaqtarynyń birlestiginen shyqqan baqylaýshylar shtabynyń múshesi Almagúl Ákimova jalpy qalalyq baspasóz ortalyǵynda brıfıngke shyǵyp, qazirgi saılaý ótkizý formaty men mazmuny jaǵynan barlyq aldyńǵy saılaýdan aıtarlyqtaı erekshelenetinin atap ótti. Biraq negizgi aıyrmashylyq Qazaqstan halqynyń saıası belsendiliginiń artýy bolyp tabylady.
A.Ákimova qazirgi saılaý prosesiniń ereksheligi-kezekti parlamenttik saılaý koronavırýs jaǵdaıynda, jańa mazmunmen jáne jańa formatta ótkizilýinde dep sanaıdy. Jańa format partııalyq tizimderge áıelder men jastar úshin 30% kvota engizýdi kózdeıdi, «parlamenttik ustanym» uǵymy engiziledi. Eń basty jańalyq – máslıhatqa saılaý partııalyq tizimder boıynsha ótkiziledi. Saılaýda depýtattyq mandat úshin 5 saıası partııa kúresýde. Árbir partııa belsendi qatysyp, halyqpen dıalogqa shyǵyp, óz baǵdarlamasyn usyndy.
«Halyqtyń saıası belsendiligi de artqany qýantady. Búginde halyq bul kezdesýlerge qatysyp qana qoımaı, baǵdarlamalardyń erejelerine qyzyǵýshylyq tanytyp, suraqtar qoıyp, tapsyrmalar berýde», - dep atap ótti baqylaýshylar shtabynyń múshesi.
Ol bul jaǵdaıda, QR Kásipodaqtar federasııasy, Qazaqstannyń Azamattyq alıansynyń saılaýdy baqylaý boıynsha qoǵamdyq ortalyǵy, «Jastarǵa jol» birlestigi jáne partııalyq emes baqylaý ortalyǵynyń basqa da iri kommersııalyq emes birlestikteri sııaqty iri qoǵamdyq kúshterdiń toptasýy men birigýi, saılaýdy baqylaýdyń ıdeıalyq tásilderi aıqyndalatyn «Saılaýdaǵy ádil jáne adal baqylaý týraly» Hartııaǵa qol qoıylǵany 2021 jylǵy 10 qańtardaǵy saılaý qorytyndylary men nátıjelerine barlyq saılaýshylardyń senýine múmkindik beretinin atap ótti.
