Almatydaǵy saılaý ýchaskeleri saılaýǵa 100% daıyn

Saılaý • 09 Qańtar, 2021

Almatydaǵy saılaý ýchaskeleri saılaýǵa 100% daıyn – saılaý komıssııasy

37 ret kórsetildi

Almaty qalasy Aýmaqtyq saılaý komıssııasynyń tóraıymy Janna Asanova jalpyqalalyq baspasóz ortalyǵynda ótken baspasóz konferensııasynda Qazaqstan Respýblıkasy Parlamenti Májilisi men máslıhat depýtattaryn saılaýǵa daıyndyq týraly aıtty, dep habarlaıdy Egemen.kz.

Arman OKTIаBR

J. Asanova atap ótkendeı, 10 qańtarda daýys berý tańǵy saǵat 7.00-de bastalyp, 20.00-ge deıin jalǵasady. Saılaý ýchaskeleri saǵat 6.00-de ashylady. Saǵat 6.00-den 7.00-ge deıingi ýaqyt ishinde ýchaskelik saılaý komıssııasy daýys beretin oryndardy, saılaý ýrnalaryn, barlyq qujattardy daıyndaıdy. Ár saılaý ýchaskesinde turaqty tirkeý boıynsha jasalǵan saılaýshylardyń tizimderi bar.

«Qazir jergilikti atqarýshy organdarmen birigip ashqan baılanys ortalyǵyna kóptegen qońyraýlar kelip túsýde. Telefon búgin de jumys isteıdi, nómiri - 21-10-01. Osy nómirge qońyraý shalyp, árkim óziniń saılaý ýchaskesi týraly aqparatty bile alady», - dedi J. Asanova.

Onyń aıtýynsha, baılanys ortalyǵyna «Men nege tizimde joqpyn?» degen suraq jıi túsedi eken. Máseleni tekserý barysynda adamnyń tirkelmegeni nemese basqa qalada tirkelgeni anyqtalady. J. Asanova Almatydaǵy saılaýshylar tizimine Almatyda tirkelgen azamattardyń ǵana engizilgenin taǵy bir ret eske saldy. Qalǵan azamattardyń barlyǵy esepten shyǵarý kýáligi arqyly daýys beredi.
Daýys berý prosedýrasy «Qazaqstan Respýblıkasynyń saılaý týraly» Konstıtýsııalyq zańda belgilengen. Saılaýshy ózin tizimnen tabady, qolyn qoıady, bıýlleten alady. Eki bıýlleten bolady: Májilis pen máslıhat úshin. Kórý qabileti nashar adamdarǵa arnalǵan eki trafaret bolady.

«Bul óte mańyzdy. Eger janary nashar jaqyndaryńyz, dostaryńyz bolsa olarǵa osyny túsindirińzder. Májilis bıýlleteni tórtburyshty taktıldi bolady, máslıhattiki – dóńgelek. Bul týraly arnaıy rolık túsirilip, saılaý ýchaskelerinde kórsetilýde », - dedi J.Asanova.

Saılaý ýchaskelerinde múmkindigi shekteýli jandarǵa jaǵdaı jasalǵan. Barynsha keń arnaıy kabınalar bar. Olar úshin barlyq saılaý ýchaskeleri birinshi qabattarda ornalasqan.

J. Asanova jýrnalısterdiń kabınalardyń aldyńǵy perdeleriniń joqtyǵyna oraı qoıǵan suraqtaryna jaýap berdi. Bul shara koronavırýs jaǵdaıymen baılanysty ekenin aıtty.

«Kabınka qalaı bolǵanda da jabyq keńistik, aldyńǵy perde kedergi. Adam kirgen kezde oǵan báribir betin tıgizedi. Biz qansha saılaýshylar keletinin bilmeımiz. Qazir koronavırýstyń taralý qaýpi áli de bar bolǵandyqtan, biz bas memlekettik sanıtarlyq dárigerdiń Qaýlysymen kelisemiz jáne ony bastny nazarda ustaımyz. Sondyqtan, bıyl aldyńǵy perdelersiz daýys beremiz», - dep túsindirdi J. Asanova. Osyndaı talaptar ótken jyldyń tamyz aıyndaǵy QR Parlamenti Senatynyń depýtattaryn saılaý kezinde de qoıylǵan bolatyn.

Barlyq ýchaskelik komıssııalar qorǵanys quraldarymen qamtamasyz etilgen: maskalar, aýystyrý múmkindigi bar antıseptıkter, antıseptıktermen sýlanǵan kilemsheler. Kóshpeli komıssııalar qorǵanysh kostıýmderimen qamtamasyz etilgen.
Úıde daýys berý úshin ýchaskelik saılaý komıssııasyna ótinishti erteń, 10.01.2021 jyly saǵat 12.00-ge deıin jiberý kerek.

Saılaý ýchaskeleri týraly aqparat qalalyq «Almaty aqshamy» jáne «Vechernıı Almaty» gazetterinde jarııalandy. Sondaı-aq, qalalyq ákimdiktiń saıtynda «Saılaý» bólimi bar, onda barlyq jan-jaqty aqparat berilgen. Siz sondaı-aq baılanys ortalyǵyna nemese Open Almaty qoǵamdyq qabyldaý bólmesiniń saıtyna qońyraý shala alasyz, munda «О́zińizdi saılaýshylar tiziminen tabyńyz» batyrmasy bar. Tolyǵyraq aqparat alý úshin siz HQKO-ǵa habarlasýyńyzǵa bolady.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz