Saılaýdy ótkizý týraly aıta kelip, A.Soloveva Hartııanyń bastamashysy retinde halyqaralyq normalardyń saqtalýyna erekshe nazar aýdaratynyn atap ótti.
«Birinshiden, úmitkerlerdi tirkeý ınklıýzıvti boldy. Qazir, ózimdegi málimetterge sáıkes saılaý ýchaskeleriniń jumystary tıimdi uıymdastyrylǵan. Qoǵamdyq talqylaý júrip jatyr. Biz áleýmettik jelilerge monıtorıng júrgizemiz. Biz keıbir saılaý ýchaskelerinde tikeleı vıdeotranslsııalardyń júrin jatqanyn kórdik, al bul OSK-nyń qaýlysyna qaıshy. Biz ony belgilep aldyq. Saılaý ýchaskesinde strım jasaý zańnamaǵa sáıkes saılaý prosesine qysym jasaý bolyp tabylady. Prosedýralyq buzýshylyqtar týraly aıtýǵa áli erte. Biz olardy ázirshe baıqamadyq», dedi ol.
Rafael Gasanov ta baqylaýshylardyń ruqsatynsyz olardy vıdeoǵa túsirý ári ony úshinshi bir adamdardyń tikeleı efır arqyly taratýy zańsyz dep sanaıtynyn aıtty.
«Ruqsatsyz tikeleı efırge túsirý – ábestik. Tikeleı efır avtorlarynan baqylaýshylardyń ruqsatynsyz tikeleı efırdi toqtatýdy suraımyn. Qandaı da bir buzýshylyqtar bolsa, ony túsirińiz. Bizdiń senim telefonymyz bar, soǵan habarlasyńyz, ony tirkep, esebimizde kórsetemiz», dedi ol.
Sonymen qatar, R. Gasanov «Jastarǵa jol» Qoǵamdyq qorynyń mobıldi toby qalanyń barlyq saılaý ýchaskelerinde bolǵanyn aıtty. Saılaý ýchaskelerinen baqylaýshylardyń áleýmettik araqashyqtyqty saqtamaıtyndyǵy týraly aqparat kelip túsken.
«Osyǵan oraı úkimettik emes uıymdardyń baqylaýshylaryn jaýapkershilikterin kúsheıtýge jáne áleýmettik araqashyqtyqty saqtaýǵa shaqyrǵym keledi. Karantındik sharalardy saqtaýǵa tıispiz», dep atap ótti R. Gasanov.
Jalpy, osy saǵatta «Jastarǵa jol» Qoǵamdyq qorynyń senim telefonyna 48 qońyraý túsken.
