Qalada otandyq jáne halyqaralyq baqylaýshylar Parlament Májilisi men barlyq deńgeıdegi máslıhattar depýtattarynyń kezekti saılaýyn ótkizýdi baqylaýda.
– Biz tańǵy saǵat 7-den bastap, ýchaskelerdiń ashylýynan beri osyndamyz. Saılaý barysynda 6 ýchaskede boldyq, brıfıngten keıin ýchaskelerdi taǵy aralaımyz. Baqylaý prosedýrasy kezinde biz ýchaskelerde boldyq, eshqandaı zań buzýshylyqtardy kórmedik. Jalpy daýys berý tııanaqty ótýde, belsendi saılaýshylar jeterlik. О́zimiz monıtorıng júrgizgen barlyq ýchaskelerde saılaý prosesiniń ınklıýzıvtiligi saqtaldy, ıaǵnı barlyq jerde múgedekterge arnalǵan pandýstar, shaqyrý núkteleri bar. Sonymen qatar, jergilikti, qoǵamdyq baqylaýshylardyń, saıası partııalar baqylaýshylarynyń ókilderin de kezdestirdik. Jalpy, daýys berý óte sabyrly ótýde, dedi baqylaýshy.
Bermet Dúıshenbıeva saılaý ýchaskeleri komıssııalary músheleriniń jáne saılaýshylardyń barlyq sanıtarlyq normalardyń saqtalǵanyn atap ótti.
