T.Jaqsylyqov atap ótkendeı, qazirgi parlamenttik saılaý Qazaqstan parlamentarızminiń damýy men Qazaqstan Prezıdenti Qasym-Jomart Toqaev bastaǵan saıası reformalardy júzege asyrýdyń mańyzdy kezeńi bolyp tabylady.
«Saılaýdyń áıelder men jastarǵa arnalǵan kvotany eskere otyryp ótkizilýi erekshe mańyzdy. Bul bastama qalyń buqarany eldiń saıası ómirine belsendi tartýǵa baǵyttalǵan. Múmkin parlamenttik saılaýdyń basty ereksheligi - kóp partııaly júıeniń damýy jáne saıası plıýralızm», dedi ol.
Osy rette T.Jaqsylyqov parlamenttik saılaý nátıjesinde laıyqty saıasatkerler ótedi jáne biz otansúıgishtik, qazaqstandyq qoǵamnyń múddelerin odan ári qorǵaıtyn jáne jalpy saıası pikirlerdiń barlyq spektrin usynatyn kóptegen jańa esimderdi kóretinine senimdi ekenin, bul bizdiń elimizde plıýralızmdi, demokratııany jáne azamattyq qoǵamdy damytýdaǵy óte mańyzdy kezeń bolatynyn aıtyp ótti.
Saılaý ýchaskesiniń daıyndyǵy men jumysyn uıymdastyrýdyń joǵary deńgeıi de Tımýr Jaqsylyqovtyń nazarynan tys qalmady.
Is-shara joǵary deńgeıde uıymdastyryldy. Pandemııa jaǵdaıynda Elshilik saılaýdyń sátti ótýi úshin barlyq múmkindikti jasady, dep túıindedi T.Jaqsylyqov.
