«Qazaqstan Respýblıkasy Parlamenti Májilisi men Almaty qalasynyń Máslıhatyna saılaýdyń qorytyndysy boıynsha Almaty qalasy aýmaqtyq kásipodaqtar birlestiginiń baqylaýshylary eshqandaı júıeli buzýshylyqtardy anyqtaǵan joq. Saılaý tıisti zańnamaǵa sáıkes ótti», dedi ol.
«Birli-jarym jaǵdaılar boldy. Eki ýchaskede baqylaýshylardy PTR-testileri jasalǵan klınıka tiziminde bolmaýyna baılanysty kirgizbedi; másele aýmaqtyq saılaý komıssııasyna júgingennen keıin sheshildi. Sondaı-aq, saılaý prosesine qatysýshy bolyp tabylmaıtyn jeke tulǵalar boldy, olar kásipodaqtardyń baqylaýshylaryna dórekilik tanytyp, sáıkestendirý qujattaryn talap etti. Sondaı-aq, úsh saılaý ýchaskesinde baqylaýshylar úshin oryndar bolmady, alaıda, ýchaske tóraǵasyna júgingennen keıin bul másele tez sheshildi», deıdi Almagúl Ákimova.
Mundaı máselelerdiń bir bóligi basshylyqpen jedel baılanysqa shyǵý arqasynda sheshildi: «kásipodaqtyń 1014 baqylaýshysynyń árqaısysymen úılestirýshi-shtab músheleri arqyly baılanys ornatyldy. Bul saılaý prosesi barysynda kez kelgen jaǵdaıǵa jedel áreket etýge múmkindik berdi.
Sońynda A.Ákimova baıqaýshylardyń da, saılaý ýchaskeleri músheleriniń de joǵary quzyrettiligin atap ótti.
«Bizdiń barlyq baqylaýshylarymyzben saılaý prosesine aralasýyna jol berilmedi, saılaý ýchaskelerinde tártip erejeleri saqtaldy. Barlyq baqylaýshylar baqylaý prosesiniń joǵary uıymdastyrylǵanyn atap ótti. Bul bizdiń baqylaýshylarymyzǵa saılaý prosesterin adal jáne beıtarap baqylaýǵa múmkindik berdi», dedi ol.
