Jarystyń ekinshi aınalymynda otandasymyz WTA reıtınginde 123-orynda turǵan qytaılyq Van Sııýmen kezdesip, eki sette 6:4, 6:4 esebimen basym tústi. Eki tennısshi buǵan deıin bir-birimen 2017 jyly US Open-de jolyǵyp, ol oıynda da Rybakına 7:5, 6:1 esebimen aıqyn jeńiske jetken-di.
Otandasymyz úshinshi aınalymdaǵy kezdesýin kúni keshe álemdik reıtıngte 72-orynǵa jaıǵasqan Darıa Kasatkınamen ótkizip, bul joly da matchty eki setten (6:3, 6:4) ary asyrǵan joq. Byltyr qarsylastar ózara birinshi ret kezdesip, onda reseılik tennısshi basym túsken edi. Bul joly jerlesimiz ese qaıtarýǵa múmkindik aldy. Endi E.Rybakına shırek fınalda álemniń 10, osy dodanyń 4-raketkasy Arına Sobolenkomen (Belarýs) sheberlik baıqasady.
Qazaqstandyq Iýlııa Pýtınsevanyń da úshinshi kezeńge ótkenin aıta keteıik.
