Ústeme aqynyń mólsheri dárigerlerdiń qandaı aımaqta jumys atqarǵanyna baılanysty boldy. QR Densaýlyq saqtaý mınıstrliginiń 2020 jylǵy 4 sáýirdegi «COVID-19 koronavırýsyna qarsy kúreste epıdemııaǵa qarsy is-sharalarǵa qatysqan densaýlyq saqtaý qyzmetkerlerin qarjylaı qoldaýdyń keıbir máseleleri týraly» buıryǵyna sáıkes tólemderdi berý úsh táýekel toptary boıynsha júzege asyryldy.
1 táýekel toby (óte joǵary) - juqpaly aýrýlar stasıonarlarynyń dárigerleri, orta jáne kishi medısına qyzmetkerleri, bulardyń qataryna COVID-19 naýqastaryna medısınalyq kómek kórsetýge qatysqan jansaqtaý bólimderiniń jáne basqa stasınarlardyń qyzmetkerleri de qosyldy.
Osy táýekel tobyndaǵy bir qyzmetkerge beriletin ústeme aqy kólemi eń tómengi aılyqtyq jalaqynyń jıyrma eselengen mólsherinen aspady. Osy toptaǵylarǵa jalpy somasy 6 795 746,1 myń teńge kóleminde ústem aqy tólendi.
2 táýekel toby (joǵary) – provızorlyq stasıonarlardyń, provızorlyq bólimderdiń dárigerleri, orta jáne kishi medısına qyzmetkerleri, jedel medısınalyq kómektiń dárigerleri men feldsherleri, onyń ishinde ambýlatorııalyq jaǵdaıda medısınalyq kómek kórsetetin densaýlyq saqtaý uıymdarynyń qyzmetkerleri.
Osy táýekel tobyndaǵy bir qyzmetkerge beriletin ústeme aqy kólemi eń tómengi aılyqtyq jalaqynyń on eselengen mólsherinen aspady. Atalǵan topqa tólengen ústeme aqynyń jalpy somasy 6 223 334,0 myń teńge.
3 táýekel toby (ortasha) - karantındik stasıonarlardyń dárigerleri, orta jáne kishi medısına qyzmetkerleri, jedel medısınalyq kómek brıgadasynyń júrgizýshileri, onyń ishinde ambýlatorııalyq jaǵdaıda medısınalyq kómek kórsetetin densaýlyq saqtaý uıymdarynyń qyzmetkerleri.
Osy táýekel tobyndaǵy bir qyzmetkerge beriletin ústem aqy mólsheri eń tómengi aılyqtyq jalaqynyń bes eselengen mólsherinen aspady. Osy toptaǵylarǵa jalpy somasy 2 123 680,0 myń teńge kóleminde ústem aqy tólendi.
