Kúndizgi stasıonar jaǵdaıynda allergologııalyq, kardıologııalyq, endokrınologııalyq jáne gastroenterologııalyq beıindegi pasıentterdi emdeý dárigerdiń baqylaýymen pasıentke adekvatty terapııany taǵaıyndaýǵa, onyń tańdalǵan dári-dármekterge beıimdiligin ázirleý, allergııalyq reaksııalardyń nemese dárilik tózbeýshiliktiń basqa túrleriniń bolýyn baqylaýǵa múmkindik beredi.
Kúndizgi stasıonar janynda ókpe patologııasy bar pasıentterge joǵary mamandandyrylǵan kómek kórsetetin Respıratorlyq ortalyq jumys isteıdi.
Kúndizgi stasıonardyń meńgerýshisi, joǵary sanatty kardıolog dáriger, medısına ǵylymynń kandıdaty Baǵdat Quttybaevanyń aıtýynsha, 2020 jyldyń qańtar aıynan bastap kúndizgi stasıonarda ambýlatorlyq jaǵdaıda dıagnostıkalyq koronaroangıografııa jasalyp keledi. Sonymen qatar fermentti, ımmýnomodýlıasııalaýshy dárilerdi, bıologııalyq terapııany qajet etetin fabrı, mýkopolısaharıdoz, kron aýrýyna, spesıfıkalyq emes oıyqjaraly kolıtke jáne t.b. orfandyq (sırek kezdesetin) aýrýlaryna shaldyqqan pasıentter em qabyldaıdy.
«Kúndizi stasıonarda emdelý tegin júrgiziledi. Emdelýge jatqyzý turǵylyqty jeriniń emhanasy, Kardıologııa jáne ishki aýrýlar ǴZI konsýltasııalyq-dıagnostıkalyq ortalyǵynyń joldamasymen jáne pasıenttiń óz betinshe kúndizgi stasıonarǵa qaralǵan jaǵdaıda iske asyrylady», - deıdi Baǵdat Sansyzbaıqyzy.
Bólimshede kardıologııa, allergologııa, endokrınologııa, gastroenterologııa jáne revmatologııa sekildi beıinder boıynsha em júrgiziledi. Bólimshe dárigerleri dıagnozdy der kezinde jáne durys qoıý úshin eń jańa, zamanaýı jáne sapaly deńgeıde zertteýlerdiń keń spektrin paıdalanady.
Kúndizi stasıonarda stasıonardy almastyrýshy kómek, ıaǵnı kúni boıy uzaqtyǵy 4 saǵattan 8 saǵatqa deıin medısına mamandarynyń baqylaýymen mamandandyrylǵan medısınalyq kómek, sonymen qatar emdik-dıagnostıkalyq jáne konsýltasııalyq kómek kórsetiledi. Júrektiń ıshemııalyq aýrýlarynyń sozylmaly túrleri, stenokardııa, arterııalyq gıpertonııa, júrektiń júre paıda bolǵan kemistigi, kardıomıopatııa, júrektiń sozylmaly revmatıkalyq aýrýlary, júrek yrǵaǵynyń buzylysy, sonymen qatar mıokard ınfargine shaldyqqan jáne sozylmaly júrek kemistigi bar pasıentterdi tekserý jáne emdeý júrgiziledi. Bazıstik terapııa, profılaktıkalyq em tańdalady, pasıenttiń kúı-jaǵdaıyna kúni boıy baqylaý júrgiziledi, kardıologııalyq jáne terapevtik beıinder boıynsha josparly emdeý sharalary jasalady. Kúrdeli dıagnostıkalyq jaǵdaılar kezinde konsılıým júrgiziledi.
Qajet bolsa júrek ehokardıografııasy, júrekke óńesh arqyly elektrli stımýlıasııa jasaý, veloergometrııa, tredmıl test, ishperde qýysy men búırektiń ýltradybystyq zertteýi, EKG men arterııalyq qan qysymyn táýliktik baqylaý jáne zerthanalyq zertteýler: jalpy zár analızi, qannyń jalpy analızi, qannyń bıohımııalyq taldaýy jasalady.
ALMATY
