Microsoft Qazaqstan jáne Almaty qalalyq Bilim basqarmasynyń «Bilim berýdegi jańa tehnologııalardyń qalalyq ǵylymı ádistemelik ortalyǵy» qalany sıfrlyq transformasııalaý maqsatyndaǵy yntymaqtastyq múmkindikterin birlesip qarastyryp otyr.
Bul maqsatta taraptar oqý úderisiniń sapasyn jaqsartý jáne Almaty qalasyndaǵy orta bilim berýdiń básekege qabilettiligin arttyrý úshin bilim berýdi sıfrlyq transformasııalaý salasyndaǵy yntymaqtastyqty yqtımal keńeıtý men damytýdy kózdeıtin, О́zara túsinistik týraly memorandýmǵa qol qoıdy. Sondaı-aq yqtımal yntymaqtastyq sıfrlyq saýattylyqty, Almaty qalasy mektepteriniń pedagogtary men oqýshylarynyń sıfrlyq mashyqtaryn jáne quzyretterin arttyrýdy kózdeıtin bolady. Joba arqyly qalanyń 200-den asa mektebin qamtý josparlanyp otyr.
«Búgingi tańda sıfrlyq quraldardy paıdalanbaı, bilim berýdi elestetý qıyn. Sondyqtan bizdiń yqtımal yntymaqtastyǵymyz aıasynda Microsoft kompanııasy usynýǵa daıyn biregeı tájirıbe, úzdik halyqaralyq praktıkalar jáne ınnovasııalyq tehnologııalar, qalanyń bilim berý júıesin tabysty sıfrlyq transformaııalaýdaǵy maqsattarǵa jetýde bizge kómegi tıetinine senimdimiz», deıdi Almaty qalasy Bilim basqarmasy basshysy Lázzat Jylqybaeva.
Qazirgi ýaqytta qol jetkizgen ýaǵdalastyqtarǵa sáıkes, Almaty qalasyndaǵy bilim berýdi sıfrly transformasııalaý salasyndaǵy yqtımal yntymaqtastyq Microsoft-tyń bilim berýdegi sansyz zertteýleri men kóp jyldyq tájirbıesine negizdelgen úzdik halyqaralyq praktıkalardy usynýdy qamtıtyn bolady. Microsoft-ta álemniń túrli elderiniń bilim berý júıesin sıfrlyq transformasııalaýdyń tıimdi strategııalaryn júzege asyrýdaǵy aýqymdy tájirıbesi bar bolǵandyqtan, bul bilim berýdiń jergilikti júıesiniń qajettilikteri men mindetterin eskere otyryp, eń ońtaıly strategııalardy tájirıbe júzinde tańdaýǵa jáne engizýge múmkindik beredi. Bilim berýdi sıfrlyq transformasııalaý barlyq oqýshylarǵa óz áleýetterin ashýǵa jáne tolyqtaı iske asyrýǵa, al muǵalimderge oqytýǵa arnalǵan qaýipsiz, senimdi jáne ınklıýzıvti ortany qurýdyń arqasynda, jumystyń ınnovasııalyq ádisterin engizý men qoldanýǵa kómektesedi.
Taraptar qarastyryp jatqan baǵyttardyń biri — qala mektepterine bilim berýge arnalǵan Microsoft «Minecraft: Education Edition» mamandandyrylǵan baǵdarlamalyq qamsyzdandyrýyn birlesip engizý men damytý jobasy. «Minecraft: Education Edition» – bul sabaq berýdegi ádisterdi ózgertetin jáne balalardy oqý úderisine tartý men olardyń boıynda bilimge degen qyzyǵýshylyqty oıatýǵa kómektesetin, oıyn negizindegi oqý platformasy. Álemniń ár túkpirindegi oqytýshylar oqýshylardy sabaq berý men oqytýdaǵy múmkindikter shegi qııal men ǵana belgilenetin ımmersıvti sıfrlyq ortada barynsha qyzyqtyrý úshin «Minecraft: Education Edition»-di oqý úderisi barysynda sabaq kezinde ár túrli pánderde qoldanady.
«Biz planetadaǵy árbir oqýshyǵa kópke qol jetkizýge kómektesemiz. Bizdiń Almaty qalasynyń bilim basqarmasymen jáne sıfrlandyrý basqarmasymen yqtımal yntymaqtastyǵymyz qalanyń bilim berýdegi sıfrly transformasııasyna oń áser etedi dep senemiz. Búgingi tańda zamanaýı sıfrlyq tehnologııalar oqytý úderisin qyzyqty, ınteraktıvti jáne ınklıýzıvti etýgi kómektesip, bilim berý úshin sheksiz derlik múmkindikter ashýda. Microsoft-tyń bilim berýge arnalǵan zamanaýı sheshimderi oqýshylardyń bilimdi anaǵurlym tıimdi ıgerýlerine járdemdesýde, sondaı-aq muǵalimderge oqytýda ınnovasııalyq quraldar men ádisterdi qoldanýǵa múmkindik beredi», dedi Microsoft-tyń Qazaqstandaǵy jáne TMD elderindegi bilim berý sektorymen jumys jónindegi basshysy Nurlan Janybek.
