1970 jyldyń 28 sáýirinde Argentınanyń astanasy – Býenos-Aıreste dúnıege kelgen Dıego óz dáýiriniń eń myqty jartylaı qorǵaýshylarynyń biri boldy. Ol Otanynan bólek, Italııa men Ispanııanyń túrli beldi klýbtarynda óner kórsetti.
Argentınanyń olımpıadalyq quramasy sapynda 1996 jyly Atlantada alaýy tutanǵan ǵalamdyq oıyndarda kúmis medaldi moınyna ildi. Eki márte Amerıka kýbogyn oljalady. Úsh ret álem chempıonatyna qatysty.
Fýtbolmen qosh aıtysqanan soń bapkerliktiń qamystyn kıdi. Bul kásipte de onyń baǵy jandy. Sońǵy 10 jylda Madrıdtiń «Atletıkosyn» jattyqtyryp júrgen Sımeone kóptegen bıik belesterdi baǵyndyrdy.
Atap aıtsaq, ár jyldary Ispanııa chempıonaty, Ispanııa kýbogy men sýperkýbogynda top jardy. Eýropa lıgasy men ÝEFA sýperkýbogynyń eki dúrkin jeńimpazy atanyp, eki ret Chempıondar lıgasynyń fınalynda oınady.
Sondaı-aq, «TOP-10» bapkerdiń qataryna Hosep Gvardıola, Iýrgen Klopp, Joze Moýrınıý, Massımılıano Allegrı, Ýnaı Emerı, Zınedın Zıdan, Karlo Anchelottı, Maýrısıo Pochettıno jáne Marselo Galıardo syndy mamandar endi.
