«Elordany «Nur-Sultan — jaı̆ly qala» master-josparynyń tujyrymdamasy aıasynda damytýdamyz. Aýdandardy damytýdy polıortalyq konsepsııasyna kóshirdik, bul — bilim berý, medısına, demalys oryndary jáne t.b. nysandar turǵyndarǵa qolsozym jerde bolýy úshin jasaldy.
Eldi-meken turǵyndarymen kezdesý barysynda olar sportpen shuǵyldanýǵa, bos ýaqytyn ótkizýge arnalǵan oryndar salýdy suraǵan.
Bıyl О́ndiris, Kóktal, Úrker (Ilınka), Jeleznodorojnyı̆ eldi-mekenderinde iri dene shynyqtyrý-saýyqtyrý keshenderin salamyz. Keshenderde sportpen aı̆nalysýǵa arnalǵan kabınetterden basqa (basketbol, voleı̆bol, ústel tennısi, trenajer zaly, kúres, boks) polısııa beketteri, poshta bólimsheleri, egde jastaǵy turǵyndarǵa arnalǵan klýbtar, HQO jáne t.b. nysandar ornalasady. Dene shynyqtyrý-saýyqtyrý keshenderi tegin bolady.
Memleket basshylyǵy eldi-mekenderdi damytýǵa, sonyń ishinde buqaralyq sportty nasıhattaýǵa erekshe kóńil bólip otyr. Ol úshin barlyq jaǵdaı̆dy jasaı̆myz.
Mysaly, ótken jyly 760 myń sharshy metrden astam aýla abattandyryldy: bul 150-den astam aýla jáne 60 qoǵamdyq keńistik. Qalanyń eski bóligine, sondaı̆-aq buryn bos, qaraýsyz qalǵan jerlerge basa nazar aýdaryldy. Osylaı̆sha, elorda kartasynda jańa oshaqtar paı̆da boldy. Bıyl olardy ulǵaı̆tý boı̆ynsha jumysty jalǵastyramyz.
Sondaı̆-aq, kóktemnen bastap qalany kógaldandyrýdy erekshe nazarda ustaýdy jalǵastyra beremiz. Megapolıste ekoaı̆maqtar barynsha kóp bolýy tıis», dep jazdy qala ákimi Altaı Kólginov.
