Onlaın kezdesýdi Qazaqstannyń Reseıdegi Elshisi Ermek Kósherbaev asha otyryp, reseılik sarapshylardy Ortalyq saılaý komıssııasynyń jarııalaǵan daýys berý nátıjelerimen tanystyrdy, onyń qorytyndysy boıynsha májiliske «Nur Otan», «Aq Jol» jáne Qazaqstannyń Halyq partııasy ótti. Bılik ókilderi saılaý prosesiniń ádil jáne ashyq ótýine bar kúshin salǵanyn atap ótti. Sonymen qatar, saılaý konstıtýsııalyq merzimge sáıkes ótkenin jáne barlyq partııalardyń naýqanǵa qatysýǵa daıyndalyp, saılaýaldy tuǵyrnamalaryn ázirleýge, partııalyq ınfraqurylymdy jetildirýge jetkilikti ýaqyty bolǵanyn eske saldy. Onyń aıtýynsha, saılaýdyń respýblıka úshin mańyzy zor, al onyń nátıjesi qazaqstandyqtardyń búgini men bolashaǵy bar birtutas ult retindegi aýyzbirshiligin kórsetti.
RǴA E.M.Prımakov atyndaǵy ÁEHQUZI Postkeńestik zertteýler ortalyǵynyń Ortalyq Azııa sektorynyń meńgerýshisi Dına Malysheva saılaý naýqanyndaǵy birqatar jańalyqtarǵa nazar aýdardy. Olardyń arasynda «Nur Otan» partııasyndaǵy praımerız, OSK otyrystarynyń sýrdoaýdarmamen onlaın-translıasııasy, múmkindigi shekteýli adamdardyń daýys berýi úshin jaǵdaı jasaýy bar. Onyń pikirinshe, Qazaqstannyń parlamenttik júıesi ózgerissiz qaldy, biraq baǵytyn ózgertip, sol arqyly eldegi jáne álemdegi jaǵdaılarǵa beıimdelýde. «Saılaý nátıjeleri Májilistiń jańa quramyna burynǵyǵa qaraǵanda edáýir mańyzdy ról júktelgendigin kórsetedi», – dep túıindedi D.Malysheva.
M.V.Lomonosov atyndaǵy MMÝ Postkeńestik keńistiktegi áleýmettik jáne saıası prosesterdi zertteý jónindegi aqparattyq-taldaý ortalyǵynyń dırektory Darıa Chıjova ótken kóktemde áleýmettanýshylardyń qoǵamdyq ózgeristerge joǵary suranys baıqaǵandyqtaryn eske saldy. Qazaqstandyq partııalar mundaı pikirlerge qulaq asýynyń nátıjesinde praımerız jáne rebrendıng ótti. Onyń aıtýynsha, daýys berý nátıjeleri memleket basshysynyń baǵytyna senim bildiredi. «Nur Otan» partııasy Májilistegi kóp ornyn saqtap qaldy, bul aldaǵy ýaqytta partııaǵa tıimdi reformalar júrgizýge múmkindik beredi.
RǴA Shyǵystaný ınstıtýtynyń Ortalyq Azııa, Kavkaz jáne Oral-Edil aımaqtaryn zertteý ortalyǵynyń analıtıkalyq tobynyń jetekshisi Stanıslav Prıtchın saılaýdyń pandemııalyq jaǵdaı kezinde ótkenin atady. «Tehnologııalyq turǵydan praımerız jańa kandıdattardy usyný úderisine qoǵamnyń qyzyǵýshylyǵyn arttyratyn jańa termınge aınaldy», – dedi Prıtchın. Sarapshy atap ótkendeı, barlyq óńirlerde ókildikteriniń bolýy jáne jumys istep turǵan saıası qurylymnyń jergilikti bılikti saqtandyrýy "Nur Otan" partııasynyń tabysqa jetýiniń kepili bolyp tabylady.
Osy pikirmen «Mınchenko konsaltıng" holdınginiń basshysy Evgenıı Mınchenko da kelisti. «Nur Otan» jas quramy tehnologııalyq jaǵynan ozyq bolyp shyqty jáne praımerız ótkizý kezinde oppozısııanyń jańarý júıesine tosqaýyl qoıdy», – dedi ol. Sarapshy pikirinshe, Qazaqstannyń Halyq partııasynyń rebrendıngin óte batyl qadam boldy, saılaý aldyndaǵy jarys jaǵdaıynda bul qadam qaýipti bolyp kóringenimen, partııa óz pozısııasyn saqtap, Májiliske ótti. Mınchenko Qazaqstandaǵy saılaý tynysh jáne aldyn ala boljaǵandaı ótkendigin, eger arandatýshy jaǵdaılar bolǵan bolsa, olar aýqymdy sıpatqa ıe bolmaǵanyn basa aıtty.
Taqyrypty MMHQI Halyqaralyq zertteýler ınstıtýtynyń saıası elıtalardy zertteý ortalyǵynyń aǵa ǵylymı qyzmetkeri Kırıll Petrov jalǵastyrdy. Onyń aıtýynsha, birqatar postkeńestik elderdegi qazirgi alańdatarlyq jaǵdaılarǵa qaramastan, Qazaqstandaǵy bılik júıesi, urpaqtar aýysýy jáne saıası reformalar ózara sabaqtastyqty saqtap keledi.
MMHQI Halyqaralyq zertteýler ınstıtýtynyń saıası elıtalardy zertteý ortalyǵynyń bas ǵylymı qyzmetkeri Andreı Kazansev saılaý úderisindegi progressıvti ózgeristerge nazar aýdardy. «Áıelder men jastarǵa arnalǵan saılaý tizimindegi 30 paıyzdyq kvota, praımerız, múmkindigi shekteýli jandarǵa daýys berý úshin jaǵdaılar jasaý sııaqty jańashyldyqtar urpaqtyń ózgerý prosesin eskere otyryp, bolashaqtyń negizin qalaıdy. Turaqtylyq pen reformanyń úılesimdiligin taba bilý árdaıym Elbasynyń basshylyǵymen Qazaqstannyń saıasatyn erekshelep keledi. Bul dástúrlerdiń áli kúnge deıin saqtalǵany qýantady», – dedi A.Kazansev.
Dóńgelek ústeldi qorytyndylaı kele, qatysýshylar Qazaqstan Prezıdenti Qasym-Jomart Toqaevtyń 15 qańtardaǵy «estıtin memleket» qurýǵa, ádildik pen teń múmkindikter qaǵıdattaryn ilgeriletýge jáne bekitýge baǵyttalǵan eldegi reformalardyń jańa paketi týraly jarııalaıtyn úndeýin taǵatsyzdana kútetindikterin atap ótti.
Elshi sarapshylar arasyndaǵy baılanystyń dıplomatııalyq praktıka men qoǵamdyq dıalogty damytýda mańyzdy orynǵa ıe bolyp, jańa kreatıvti tásilderdi tabýǵa múmkindik beretinin atap ótti. Dóńgelek ústelge qatysýshylarǵa alǵysyn bildire otyryp, ol Elshiliktiń dıalog alańyn qazaqstandyq jáne reseılik sarapshylardyń kóptegen máseleler boıynsha ashyq talqylaýdyń múmkindigi retinde belsendi paıdalanýdy usyndy.
