2021 jyly Memlekettik qyzmetkerlerge mindettelgen deklarasııa qabyldandy

Qazaqstan • 13 Qańtar, 2021

2021 jyly Memlekettik qyzmetkerlerge mindettelgen deklarasııa qabyldandy

29 ret kórsetildi

QR QM Memlekettik kirister komıtetiniń baspasóz qyzmeti memlekettik qyzmetkerlerdiń jańa jyldan bastap tapsyrýy kerek deklarasııasynyń tártibin túsindirdi, dep habarlaıdy Egemen.kz.

Egemen Qazaqstan

О́tken jyldary memlekettik qyzmetkerler, olarǵa teńestirilgen adamdar, olardyń jubaılary jyl saıyn memlekettik kirister organdaryna 230.00 nysany boıynsha tabystary men múlki týraly deklarasııalardy tabys etetin.

Alaıda 2021 jylǵy 1 qańtardan bastap tabystary men múlki týraly deklarasııany (230.00-nysan) usyný boıynsha talaptar toqtatyldy. Bunyń sebebi 2021 jyly atalǵan tulǵalardyń 2020 jylǵy 31 jeltoqsandaǵy jaǵdaı boıynsha aktıvteri men mindettemelerin kórsete otyryp, 250.00-nysandaǵy aktıvter men mindettemeler týraly deklarasııany usyný mindettemesiniń týyndaýy bolyp tabylady.

Deklarasııa turǵylyqty jeri (kelý orny) boıynsha: - qaǵaz nusqada tapsyrylǵan jaǵdaıda – 2021 jylǵy 15 shildeden keshiktirmeı; - elektrondy túrde tapsyrylǵan jaǵdaıda – 2021 jylǵy 15 qyrkúıekten keshiktirilmeı tapsyrylýy tıis. 2020 jyly múliktik tabysty, Qazaqstan Respýblıkasynan tys jerlerdegi kózderden tabysty jáne Salyq kodeksiniń 363-babynda kózdelgen ózge de kiristerdi alǵan jaǵdaıda atalǵan tulǵalar ornalasqan (turǵylyqty) jeri boıynsha salyq organyna jeke tabys salyǵy boıynsha deklarasııany (240.00-nysan) tabys etetinin eskerý qajet.

Bul deklarasııany tapsyrý merzimi - 2021 jylǵy 31 naýryzǵa kelip tur. 2022 jyldan bastap mundaı kirister 270.00- nysandaǵy deklarasııada kórsetiledi. Eger jeke tulǵa qatelesip, 2020 jylǵa arnalǵan 230.00-nysandaǵy deklarasııany tapsyrsa, onda mundaı deklarasııa keri qaıtarylyp alýy tıis.

Aıta keteıik, osy jyly elimizde jalpyǵa birdeı deklarasııalaýdy engizýdiń birinshi kezeńiniń basy bolady, dep habarlady QR QM Memlekettik kirister komıtetiniń baspasóz qyzmeti. Salyq Kodeksinde jalpyǵa birdeı deklarasııalaýdy tórt kezeńmen júzege asyrý qarastyrylǵan. Birinshi kezeńde (2021 jylǵy 1 qańtardan bastap): - jaýapty memlekettik laýazymdy atqaratyn adamdar men olardyń jubaılary;

- memlekettik fýnksııalardy oryndaýǵa ýákilettik berilgen jáne olarǵa teńestirilgen adamdar, sondaı-aq olardyń jubaılary;

- «Qazaqstan Respýblıkasyndaǵy saılaý týraly Qazaqstan Respýblıkasynyń Konstıtýsııalyq Zańyna jáne «Sybaılas jemqorlyqqa qarsy is-qımyl týraly», «Qazaqstan Respýblıkasyndaǵy bankter jáne bank qyzmeti týraly», «Saqtandyrý qyzmeti týraly», «Baǵaly qaǵazdar rynogy týraly» Qazaqstan Respýblıkasynyń Zańyna sáıkes tabys etý mindeti júktelgen adamdar deklarasııa tapsyrýǵa mindetti.

Aıda Oralbek

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz