Qoǵam • 13 Qańtar, 2021

«Damý» qory 2020 jyly kásipkerlerdiń quny 1,6 trln teńge bolatyn 32,5 myń jobasyn qoldady

20 ret kórsetildi

Búgin Almatyda «Damý» Qory aıaqtalǵan jylda kásipkerlikti qoldaý men damytýdyń memlekettik baǵdarlamalary qalaı júrgizilgendigine qatysty BAQ ókilderimen kezdesip, jýrnalısterdiń saýaldaryna jaýap berdi, dep habarlaıdy Egemen.kz.

«Damý» qory 2020 jyly qarjy quraldaryn qoldana otyryp, Qazaqstandaǵy mıkro, shaǵyn jáne orta kásipkerlerdiń (MShOK) nesıe somasy 1,6 trln teńge bolatyn 32,5 myń jobasyna qoldaý kórsetken. Eger 2019 jyly osyndaı ýaqyt ishinde Qor nesıe somasy 612,0 mlrd teńge bolatyn 24,3 myń jobaǵa qoldaý kórsetkenin eskersek, «Damý» Qory MShOK-ke kórsetken qoldaýdyń nesıe qorjynynyń mólsherin 2,6 esege ulǵaıtqanyn atap ótýge bolady.

– Qaı jpǵynan bolsa da kúrdeli bolǵan 2020 jyldy qorytyndylaı kele, eń aldymen, kásipkerler tarapynan úkimettik qoldaýlarǵa suranys joǵary ekendigin aıtqym keledi. Buǵan – qaıta qarjylandyrý jáne aınalym qarajatyn tolyqtyrýǵa qoldaý alǵan jobalardyń aıtarlyqtaı óskeni dálel. Qor COVID-19 pandemııasy kezinde neǵurlym zardap shekken ekonomıka salalaryndaǵy kásipkerlerge sýbsıdııany der kezinde jetkizý úshin jańa baǵdarlamalardy iske qosyp, qoldaý aıasyn keńeıtip, óz mindetin oıdaǵydaı atqaryp shyqty. «Damý» Qory óz qyzmetteriniń avtomattandyrylǵanynyń arqasynda respýblıkanyń birde-bir óńirinde jumysyn bir kúnge de toqtatqan joq», – dedi «Damý» kásipkerlikti damytý qory» AQ Basqarma tóraıymy Gaýhar Býrıbaeva.

Memleket basshysynyń 2020 jylǵy 1 qyrkúıektegi Joldaýy jáne Qazaqstan Úkimeti bekitken «Daǵdarysqa qarsy sharalar paketin iske asyrý jáne ekonomıkalyq ósimdi qalpyna keltirý jónindegi keshendi jospardy» júzege asyrýda ekonomıkanyń neǵurlym zardap shekken sektorlaryndaǵy kásipkerlerge «Damý» Qory arqyly jalpy nesıe somasy 426,8   mlrd   teńge   bolatyn 8,4 myń   jobanyń nesıesin sýbsıdııalaýdyń arqasynda paıyzy jylyna 6%-ǵa tómendetildi. Bul sýbsıdııalar somasy 16,8mlrd teńgeni quraıdy. Sondaı-aq, COVID-19 pandemııasy kezinde Qor 7470 jobany jalpy somasy 663 mlr teńge bolatyn kepildik pen syıaqy mólsherlemesin ishinara sýbsıdııalaý quraldary aıasynda qaıta qurylymdady. Mundaı sharalar Qazaqstan Respýblıkasy Qarjy naryǵyn retteý jáne damytý agenttiginiń 26.03.2020 jylǵy jáne 15.06.2020 jylǵy buıryqtaryna sáıkes júzege asty. QR Strategııalyq josparlaý jáne reformalar jónindegi agenttigine qarasty Ulttyq statıstıka bıýrosynyń derekteri boıynsha, 2020 jylǵy 1 jeltoqsanyna deıin tirkelgen kásipkerler sany 1mln 613 myńdy qurady. Onyń ishinde jumys istep turǵandary – 1 mln 343 myń. Bul 2020 jylǵy 1 qańtarmen salystyrǵanda 0,6%-ǵa jáne 0,9%-ǵa artqanyn kórsetedi. Bul kórsetkishter COVID-19 kezinde kásipkerler sany azaımaǵanyn baıqatady. Jarııalanǵan tótenshe jaǵdaı, epıdemııaǵa qarsy jáne shekteý sharalary kezinde «Damý» Qory óz qyzmetterine beriletin ótinimderdiń 90%-yn online.damu.kz ınternet-portaly jáne egov.kz arqyly elektrondy túrde qabyldady. «Damý» Qory 2020 jyldyń 1 qańtaryna deıin óz qyzmetiniń barlyq kezeńinde Qazaqstannyń mıkro, shaǵyn jáne orta kásipkerligine nesıe somasy

«Damý» Qory joǵaryda atap ótken, 6,9 trln teńge bolatyn 112,7 myń jobaǵa qarjy quraldaryn qoldana otyryp qoldaý kórsetkenin atap ótý kerek.

Sońǵy jańalyqtar

«Barys» «Vıtıazdi» utty

Sport • Búgin, 16:15

Jalǵas Jumaǵulov jeńilip qaldy

Sport • Búgin, 15:44

Qunsyzdyq quldyń túbine jetedi

Aımaqtar • Búgin, 14:39

Pnevmonııadan 2 adam qaıtys boldy

Koronavırýs • Búgin, 11:42

Elimizde taǵy 839 adam koronavırýstan jazyldy

Koronavırýs • Búgin, 09:02

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Uqsas jańalyqtar