Sondaı-aq yqtımal yntymaqtastyq sıfrly saýattylyqty, Almaty qalasy mektepteriniń pedagogteri men oqýshylarynyń sıfrly mashyqtaryn jáne quzyretterin arttyrýdy kózdeıtin bolady. Joba arqyly qalanyń 200-den asa mektebin qamtý josparlanyp otyr.
Qalalyq bilim basqarmasynyń basshysy Lıazzat Jylqybaevanyń aıtýynsha, búgingi tańda sıfrly quraldardy paıdalanbaı, bilim berýdi elestetý qıyn. «Sondyqtan yqtımal yntymaqtastyq aıasynda Microsoft kompanııasy usynýǵa daıyn biregeı tájirıbe, úzdik halyqaralyq praktıkalar jáne ınnovasııalyq tehnologııalar qalanyń bilim berý júıesin tabysty sıfrly transformasııalaýdaǵy maqsattarǵa jetýde kómegi tıetinine senimdimiz», deıdi ol.
Qazirgi ýaqytta qol jetkizgen ýaǵdalastyqtarǵa sáıkes, Almaty qalasyndaǵy bilim berýdi sıfrly transformasııalaý salasyndaǵy yqtımal yntymaqtastyq Microsoft-tyń bilim berýdegi sansyz zertteýleri men kóp jyldyq tájirbıesine negizdelgen úzdik halyqaralyq praktıkalardy usynýdy qamtıdy. Microsoft-ta álemniń túrli elderiniń bilim berý júıesin sıfrly transformasııalaýdyń tıimdi strategııalaryn júzege asyrýdaǵy aýqymdy tájirıbesi bar bolǵandyqtan, bul bilim berýdiń jergilikti júıesiniń qajettilikteri men mindetterin eskere otyryp, eń ońtaıly strategııalardy tájirıbe júzinde tańdaýǵa jáne engizýge múmkindik beredi. Bilim berýdi sıfrly transformasııalaý barlyq oqýshyǵa óz áleýetin ashýǵa jáne tolyq iske asyrýǵa, al muǵalimderge oqytýǵa arnalǵan qaýipsiz, senimdi jáne ınklıýzıvti ortany qurý arqyly jumystyń ınnovasııalyq ádisterin engizý men qoldanýǵa kómektesedi.
Taraptar qarastyryp jatqan baǵyttardyń biri – qala mektepterine bilim berýge arnalǵan Microsoft «Minecraft: Education Edition» mamandandyrylǵan baǵdarlamalyq qamsyzdandyrýyn birlesip engizý men damytý jobasy. Bul sabaq berýdegi ádisterdi ózgertetin jáne balalardy oqý úderisine tartý men olardyń boıynda bilimge degen qyzyǵýshylyqty oıatýǵa kómektesetin oıyn negizindegi oqý platformasy. Álemniń ár túkpirindegi oqytýshylar oqýshylardy sabaq berý men oqytýdaǵy múmkindikter shegi qııalmen ǵana belgilenetin ımmersıvti sıfrly ortada barynsha qyzyqtyrý úshin «Minecraft: Education Edition»-di oqý úderisi barysynda sabaq kezinde ártúrli pánderde qoldanady.
«Biz planetadaǵy árbir oqýshyǵa kópke qol jetkizýge kómektesemiz. Bizdiń Almaty qalasynyń bilim basqarmasymen jáne sıfrlandyrý basqarmasymen yqtımal yntymaqtastyǵymyz qalanyń bilim berýdegi sıfrly transformasııasyna oń áser etedi dep senemiz. Búgingi tańda zamanaýı sıfrly tehnologııalar oqytý úderisin qyzyqty, ınteraktıvti jáne ınklıýzıvti etýge kómektesip, bilim berý úshin sheksiz derlik múmkindikter ashýda. Microsoft-tyń bilim berýge arnalǵan zamanaýı sheshimderi oqýshylardyń bilimdi anaǵurlym tıimdi ıgerýlerine járdemdesýde, sondaı-aq muǵalimderge oqytýda ınnovasııalyq quraldar men ádisterdi qoldanýǵa múmkindik beredi», dedi Microsoft-tyń Qazaqstandaǵy jáne TMD elderindegi bilim berý sektorymen jumys jónindegi basshysy Nurlan Janybek.
