О́ner • 14 Qańtar, 2021

Álemdik balet jaýharlary – «Astana Opera» sahnasynda

86 ret kórsetildi

«Astana Opera» teatrynyń balet trýppasy 16 qańtar kúni kórermen nazaryna Reseıdiń Halyq ártisi Altynaı Asylmuratovanyń jetekshiligimen ǵalamat Gala-balet usynady. Mazmundy baǵdarlama aıasynda teatrdyń Úlken zaly sahnasynda balet solısteri Serik Naqyspekov pen Daler Zaparov Marıýs Petıpanyń horeografııasyndaǵy R.Drıgonyń «Talısman» baletinen pa-de-de jáne E.Deldevez, L.Mınkýstyń «Pahıta» baletinen gran-pa nómirin oryndaıdy.

– R.Drıgonyń «Talısman» bale­ti­nen pa-de-de álem boıynsha ba­let­súıer qaýym arasynda úlken ataqqa ıe boldy. Ol barlyq halyqaralyq balet baıqaýlarynyń baǵdarlamasyna jáne kóptegen álemdik balet trýp­pa­larynyń repertýaryna engen. Osy­naý nómirdiń tamasha sıýjeti bo­­ıynsha aldymyzda ejelgi Úndis­tan­nyń tylsym álemi ashylady. Meniń oryndaýymdaǵy jel qudaıy Vaııý aspan rýhtary ámirshisiniń qyzy Nırıtımen birge bıleıdi. M.Petıpa men P.Gýsevtiń horeografııa­sy aıryqsha sheberligimen ári máner­ligimen ózgeshelenedi. Bizdiń oryn­daýymyzdaǵy osy klassıkalyq jaý­hardyń ınterpretasııasy elor­da­lyq kórermenniń kóńilinen shyǵady degen úmittemin, – dep oı bólisti Serik Naqyspekov.

Al teatrdyń talantty solısi Daler Zaparov bolsa bul kúni E.Del­de­vez, L.Mınkýstyń «Pahıta» ba­le­ti­nen gran-pamen debıýt jasaıdy. Sony­men birge jas balet ártisteri Sofııa Ádilhanova, Nuraı Nursafına, Evgenıı Rybkın, Dıas Qurmanǵazy, Rýstam Chahalov osy nómirde alǵash ret sahna tórine shyǵady. Daler Zaparovpen juptasyp teatrdyń je­tek­­shi solısi, Qazaqstannyń eńbek sińirgen qaıratkeri Ánel Rústemova óner kórsetedi. Sándi de merekelik gran-pa balet keıipkerleriniń saltanatty úılený toıyn bı tilinde baıan etedi. Ol bólshekterdiń moldyǵy, naqysh, ıspandyq temperament jáne varıasııalardyń san alýandyǵymen ózgeshelenedi.

– Meniń pikirimshe, meıli alǵash­qy, premeralyq oryndaý nemese reper­týar­lyq spektakl bolsyn, árqashan bar­lyq óner kórsetýler ózinshe erekshe. Qaı partııa bolsyn, sahnaǵa shyqqan saıyn ártis retinde oryndalatyn beıneniń jańa qyrlaryn, tyń dúnıeler ashamyn. Dese de atalǵan Gala-balette sahnaǵa shyǵý men úshin óte mańyzdy, sondyqtan emosıonaldyq jaǵynan kúsh-qýatym artyp, jańa jyldy súıikti sahnamda jaqsylyqpen bastaýǵa qushtarlyǵym zor, – dep óz áserin jetkizdi Daler Zaparov.

Eki bólimnen turatyn alýan túrli baǵdarlamaǵa teatr repertýaryndaǵy klassıkalyq, neoklassıkalyq jáne zamanaýı qoıylymdardan úzindiler endi. Atap aıtsaq, J.Korallı men J.Perronyń horeografııasyndaǵy A.Adannyń «Jızel» baletinen pa-de-de, L.Mınkýstyń «Baıader­ka» baletinen úndi bıi, M.Petı­pa­nyń horeografııasyndaǵy P.Chaı­kovs­kıı­diń «Aqqý kóli» baletinen pa-de-de jáne t.b. Sondaı-aq bul keshte Patrık de Bananyń horeografııasyndaǵy «Dala úni» baletinen dýet oryndalatyn bolady. Eske salar bolsaq, osynaý ulttyq balettiń álemdik premerasy Mádenıet jáne sport mınıstrliginiń qoldaýymen jeltoqsan aıynda elor­da­lyq kórermenge zor jetis­tik­pen usynylǵan edi.

Klassıkalyq bı óneri elorda turǵyndary men qonaqtaryna «Astana Opera» teatrynyń jetekshi solısteri, Qazaqstannyń eńbek si­ńir­gen qaıratkerleri Áıgerim Beketaeva men Erkin Rahmatýllaev, Oljas Tarlanov, balet trýppasynyń solısi Anastasııa Zaklınskaıa, balet ártisteri Marıko Kıtamýra, Móldir Shákimova, Adelına Tólepova, Jánibek Ah­me­dıev, Janserik Ahmetov, Bostan Qojabekovtiń oryndaýynda usy­ny­latyn bolady. «Astana Opera» sım­fo­nııalyq orkestri dırıjer Arman Orazǵalıevtiń jetekshiligimen óner kórsetedi.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar