«Saılaýdyń qorytyndylary jarııalandy. Halqymyz belsendilik tanytyp, óz tańdaýyn jasady. Saılaý zań aıasynda jáne halyqaralyq standartarǵa saı ótti. Sheteldik sarapshylar men halyqaralyq baıqaýshylar da joǵary baǵa berýde. Memleket basshysynyń birqatar saıası reformalary alǵash ret osy saılaýda iske asyrylǵanyna kýá boldyq», dedi Máýlen Áshimbaev.
Senat Tóraǵasy táýelsizdiktiń 30 jyldyǵynda Parlament aldynda Elbasy men el Prezıdenti belgilegen mańyzdy mindetter turǵanyn atap ótti. Olardy tıimdi iske asyrý úshin Senat Májilispen birlese otyryp sapaly zańdar qabyldaýǵa tıis.
