«2021 jylǵy 8 qańtarda Pavlodar qalasynyń polısııasyna er adamnan qońyraý kelip tústi, ol óziniń kólik quralyn belgisiz bireýdiń aıdap áketkeni týraly shaǵymdandy. Dereý qalada «Tosqaýyl» jospary jarııalandy. Aýlalardyń birinde avtopatrýlderdiń biri baǵdarda kórsetilgen kólikke uqsaıtyn avtokólikti baıqaǵan. Kólikke jaqyndaǵan polıseıler kóliktiń otalyp turǵanyn, sonymen qatar salonda mýzyka oınap turǵanyn, al salonda eshkim joqtyǵyn anyqtady. Keıin aryzdanýshynyń mas kúıinde avtokóligin qaıda qoıǵanyn umytyp qalǵany belgili boldy», dedi Pavlodar qalasynyń PB patrýldik polısııa batalonynyń komandıri Renat Sharıpov.
Polısııa qyzmetkerleri jalǵan aryz berýshige qatysty polısııa organdaryn kórineý jalǵan shaqyrý faktisi boıynsha Qazaqstan Respýblıkasy ÁQBtK-niń 438-baby (Arnaýly qyzmetterdi kórineý jalǵan shaqyrý) boıynsha ákimshilik is qozǵalǵanyn, quqyq buzýshyǵa qatysty 30 AEK mólsherinde aıyppul salynǵanyn atap ótti.
Aıta ketý kerek, jyl basynan beri óńirde polısııa organdaryn kórineý jalǵan shaqyrýdyń 5 faktisi, 2020 jyly 43 faktisi tirkelgen.
