Buǵan deıin habarlaǵanymyzdaı, Túrki akademııasy «Qarabaq – Ázerbaıjannyń jaýhary: tarıhy, mádenıeti, tabıǵaty», «Joǵalǵan baqyt: Qarabaqtyń shynaıy oqıǵalary» jáne «Ázerbaıjan Halyq Respýblıkasy» kitaptaryn shyǵardy.
«Halyqaralyq Túrki akademııasy Qarabaq máselesinde árdaıym Ázerbaıjannyń janynda boldy, qoldady. Búgin bizdiń eń úlken tartýymyz – Qarabaq týraly albom-kitap pen Ázerbaıjan Respýblıkasynyń júz jyldyǵyna arnalǵan kitap jáne Qarabaqtyń shynaıy oqıǵalary týraly áńgimeler jınaǵy jaryq kórdi. Oǵan ótken jyldan beri jyl boıy daıyndyq júrgizdik. Sapaly sýretter men materıaldardy jınastyrdyq. Bizdiń bul kitapty baspaǵa berýimiz Ázerbaıjannyń Shýshany alýymen sáıkes keldi», - dedi Halyqaralyq Túrki akademııasynyń prezıdenti Darhan Qydyráli jıyn barysynda.
Alqaly jıynǵa Halyqaralyq Túrki akademııasynyń prezıdenti Darhan Qydyráli, Ázerbaıjan Respýblıkasynyń Qazaqstandaǵy Tótenshe jáne О́kiletti elshisi Rashad Mammadov, Qyrǵyz Respýblıkasynyń Qazaqstandaǵy Tótenshe jáne ókiletti elshisi Jeenbek Kýlýbaev, О́zbekstan Respýblıkasynyń Qazaqstan Respýblıkasyndaǵy Elshiliginiń Birinshi hatshysy Mýzaffar Ýsmanov, S.Seıfýllın mýzeıiniń dırektory Nesipbek Aıtuly jáne basqa da memleket jáne qoǵam qaıratkerleri, Qyrǵyzstan, О́zbekstan jazýshylary, zııaly qaýym ókilderi qatysty.
