Aımaqtar • 14 Qańtar, 2021

Indýstrıaldy aımaqtar úzdiksiz jumys isteýi kerek

41 ret kórsetildi

Qala ákimi M. Áıtenov «Ońtústik», «Tassaı» ındýstrııalyq aımaqtary men «Ońtústik» arnaıy ekonomıkalyq aımaǵyn damytý boıynsha birqatar tapsyrmalar berdi, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap. 

Foto: Bereke SEIITJAPPAR

«Ońtústik» ındýstrıaldy aımaǵynda 2020 jyly 345 jańa jumys ornyn qura otyryp, 3 joba júzege asyryldy. 2021 jyly 6 ınvestısııalyq jobany (306 jańa jumys orny) iske qosý josparlanýda. 

 

2016 jyly ashylǵan «Tassaı» ındýstrııaldy aımaǵynyń aýmaǵy búginde tolyq,  100 %- ǵa jumys istep tur. 2020 jyly 6 ınvestısııalyq joba iske asty. Bıyl taǵy 3 jobany iske qosý kózdelýde. Sondaı-aq, búginde «Ońtústik» arnaıy ekonomıkalyq aımaqtyń aýmaǵyn keńeıtý jumystary júrgizilýde. 

 

Qala ákimi «Tassaı» ındýstrııalyq aımaǵynyń ınjenerlik ınfraqurylymyn jańǵyrtýdyń 2-shi kezeńi boıynsha tıisti bıýdjettik ótinim berý, ındýstrııalyq, kólik-logıstıkalyq aımaqtyń jáne arnaıy ekonomıkalyq aımaqtyń jer ýchaskelerine taldaý jasalyp, tıimdi ıgerilýin qamtamasyz etý qajettigin aıtty. Sonymen qatar, merzimi ótken jer ýchaskelerin qaıtarý, jer ýchaskelerin iske asyrylǵan jobalarǵa jeke menshikke berý boıynsha usynys engizý, arnaıy ekonomıkalyq aımaqqa 50 jańa jobany tartý jáne jobalar pýlyn jasaqtaý boıynsha naqty mindetter júktedi. 

 

– Barlyq ındýstrııaldy aımaqtar úzdiksiz jumys isteýi qajet. Bul – ýaqyt talaby. Sonymen birge, aımaqtardy keńeıtý, ári qaraı damytýda naqty jumystar atqarylýy tıis. Indýstrııalyq aımaqtaǵy mekemelerdi jan-jaqty súıemeldep otyrý kerek. О́ndiris úshin qolaıly sharttar jasaý jetkiliksiz. О́nimniń ishki naryqqa taralýy men eksportyna yqpal etýdi qarastyrý, ortaq bir platformada túıisýine jaǵdaı jasaýymyz qajet, – dedi qala ákimi. 

Jıynda qala ákimi shıkizatty shetelden tasymaı, básekege qabiletti otandyq ónimderdi qoldaný qajet ekenine de nazar aýdardy. 

Sońǵy jańalyqtar

Uqsas jańalyqtar