Otyrysqa Parlament Májilisiniń saılanǵan depýtattary, oblystardyń, Nur-Sultan, Almaty jáne Shymkent qalalarynyń aýmaqtyq saılaý komıssııalary qatysty. OSK tóraǵasy Berik Imashev «Qazaqstan Respýblıkasynyń Parlamenti jáne onyń depýtattarynyń mártebesi týraly» zańǵa sáıkes Parlament depýtatynyń ókilettigi Ortalyq saılaý komıssııasy Parlament depýtaty retinde tirkegen sátten bastalatynyn atap ótti.
Otyrysta qabyldanǵan qaýly boıynsha Parlament Májilisine 107 depýtat tirkeldi. Onyń ishinde Nur Otan partııasynyń partııalyq tizimi boıynsha 76 depýtat, «Aq jol» demokratııalyq partııasynan – 12 depýtat, Qazaqstan Halyq partııasynan – 10 depýtat, Qazaqstan halqy Assambleıasy saılaǵan 9 depýtat bar.
OSK tóraǵasy Berik Imashev tirkelgen depýtattarǵa kýálikter men keýdege taǵatyn belgilerdi tabys etip, olarǵa Respýblıkanyń zań shyǵarý bıligin júzege asyratyn joǵary ókildi organynda tabysty jumys tiledi.
