Álem • 15 Qańtar, 2021

Ońtústik Koreıanyń eks-prezıdenti uzaq merzimge sottaldy

304 ret kórsetildi

Ońtústik Koreıanyń Joǵarǵy soty eldiń 68 jastaǵy eks-prezıdentin qyzmettik ókilettigin asyra paıdalanǵany, para alǵany jáne bopsalaý áreketteri úshin 22 jylǵa bas bostandyǵynan aıyrdy, dep habarlaıdy Egemen.kz Yonhap News agenttigine silteme jasap.

Tyńdaý barysynda prokýratýranyń 2020 jyldyń shildesinde usynylǵan appelıasııasy qaraldy. Soǵan sáıkes Pak Kyn Hege 18 mıllıard von (13 mıllıon evro) deıin aıyppul salyndy, biraq odan buryn taǵylǵan aıyptardyń bir bóligin alyp tastady.

Buǵan deıin eks-prezıdent Birikken bolashaq partııasynan ("Senýrı") Memleket basshysy laýazymyna úmitkerlerdi usyný prosesine zańsyz aralasqany úshin eki jyl túrmede otyrýǵa májbúr bolǵan.
Eks-prezıdentke 18 tarmaq boıynsha aıyp taǵyldy.

2017 jyldyń naýryzynda Pak Kyn He Konstıtýsııalyq sottyń sheshimimen bılikten shettetildi, merziminen buryn prezıdent qyzmetinen bosatylyp, sodan keıin qamaýǵa alyndy.

Aıta keteıik, buǵan deıin apellıasııalyq sot túrme jazasyn 30 jylǵa deıin uzartqan edi. Keıinirek úkim birneshe ret qaıta qaralǵan bolatyn.

Keıingi kúnderi Seýldegi Joǵarǵy Sot Pak Kyn He isine núkte qoıdy. Qolyndaǵy bıligin asyra paıdalanyp, memleketke barynsha zııan keltirgen prezıdent 22 jylǵa bas bostandyǵynan aıyryldy. 

Aıda ORALBEK

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Uqsas jańalyqtar