Aýǵanstannan kelgen pasıentke júrek tamyrlaryna stent jasaldy, Ázirbaıjan azamatyna – júrektiń radıojıilikti ablıasııasyna ota jasaldy, Koreı elinen kelgen azamatqa – óńesh tamyrlaryna endoskopııalyq lıgıldeý, Qyzǵyzstan azamatyna – júrektiń elektrofızıologııalyq zertteýleri jasaldy. Germanııa jáne Reseı azamattaryna júrek tamyrlaryna koronarografııa júrgizildi. Grýzııa jáne О́zbekstannan kelgen pasıentter konservatıvtik em qabyldady. Sonymen qatar KIA ǴZI-daǵy medısınalyq kómekti Qazaqstanda turyp jatqan jáne jumys isteıtin shetel azamattary da alyp júr.
Qazaqstan densaýlyǵyn ońaltqysy keletin sheteldikter úshin jyldan- jylǵa tartymdy bolyp otyr. Bizdiń elde kórsetiletin medısınalyq qyzmetterdiń sapasy sheteldegiden kem emes, sebebi joǵary bilikti medısına mamandary jáne joǵary tehnologııalyq klınıkalar sekildi oń faktorlar qalyptasýda.
Kardıologııa jáne ishki aýrýlar ǵylymı-zertteý ınstıtýtynda zamanaýı joǵary tehnologııalyq jabdyqtar, ǵylymı-zertteý jáne klınıkalyq baza bar. Munda óz isiniń sheberleri jumys isteıdi, pasıentter osy mamandarǵa aldyn ala jazylyp, emdelip nemese ota jasatqysy keledi. Sondyqtan respýblıkamyzdyń barlyq óńirlerinen, jaqyn jáne alys shetelderden emdelýge keledi. Aqyly negizde klınıkada emdelgen sheteldik azamattardyń sany 2020 jyly barlyq emdelgen naýqastardyń 2,5% qurady.
Qazaqstanda medısınalyq týrızmniń damýy densaýlyq saqtaý salasyn damytýǵa qosymsha stımýl beretindigin atap ótken jón.
